- Հայ
- Рус
- Eng
Մանկավարժական համալսարանի Կուլտուրայի ֆակուլտետում էր ՀՀ-ում ԻԻՀ դեսպանության մշակույթի կենտրոնի պատվիրակությունը՝ մշակութային հարցերով խորհրդական Մոհամմադ Ասադի Մովահեդի գլխավորությամբ։
Վերջիններս հանդիպում ունեցան Կուլտուրայի ֆակուլտետի դեկան Գևորգ Թադևոսյանի հետ։ Հանդիպմանը քննարկվեցին Մանկավարժական համալսարանի և իրանական բուհերի համագործակցության հեռանկարները։
Այդ շրջանակներում հնարավոր է իրականացնել ուսանողների, դասախոսների փոխադարձ այցեր, համերգներ, վարպետաց դասեր և այլ միջոցառումներ։
Իրանցի հյուրերը ներկա եղան նաև Երաժշտության ամբիոնի ցուցադրական համերգին։
Պայմանավորվածություն ձեռք բերվեց, որ հունիսի 7-17-ը Թեհրանում և Թավրիզում Երաժշտության ամբիոնի ազգային նվագարանների նվագախումբը հանդես կգա համերգներով։
