ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Արտակ Բարսեղյանի հիշատակը վառ կմնա դասախոսների և աշակերտների հուշերում
16.10.2020
Արտակ Բարսեղյանի հիշատակը վառ կմնա դասախոսների և աշակերտների հուշերում

«... 200 լրակազմ զինվորական ներքնաշորերը այսօր կհանձնենք Գորիսի հոսպիտալ». -Արտակ Բարսեղյանի ֆեյսբուկյան վերջին գրառումն է:

Դրան հաջորդում են ցավակցության ու ափսոսանքի խոսքեր: Արտակը Մանկավարժական համալսարանի 2010 թվականի  շրջանավարտ էր` կերպարվեստ մասնագիտությամբ, ուսումնառության տարիներին Գեղարվեստական կրթության ֆակուկտետի Ուսխորհրդի նախագահն էր: Հասարակական ակտիվությունն ու մարդասիրությունը նրա կենսակերպն էր. Արտակ Բարսեղյանը օգնություն էր հասցնում հայրենիքի պաշտպանության ժամանակ վիրավորված մեր քաջորդիներին` հոսպիտալ: Չհասցրեց...... Զոհ դարձավ անհեթեթ ու ողբերգական ավտովթարի: Արտակ Բարսեղյանի հիշատակն ու անմոռաց նվիրումը հայրենիքին երկար կհիշեն նրան կրթած դպրոցում, համալսարանում, այն կրթօջախում, որտեղ այսօր ինքն էր արդեն դասավանդում:

Մանկավարժական համալսարանի աշխատակազմն ու ուսանողներն իրենց վշտակցությունն են հայտնում Արտակ Բարսեղյանի հարազատներին, մտերիմներին, նրան անչափ գնահատող ու սիրող մանկավարժներին և աշակերտներին: