- Հայ
- Рус
- Eng
«Նարեկացի» արվեստի միությունում բացվեց «Այս գունավոր աշխարհը սև-սպիտակ լուսանկարներով» խորագրով լուսանկարչական ցուցահանդես։
Ցուցահանդեսում ներկայացված էին ՀՊՄՀ Կուլտուրայի ֆակուլտետի գեղարվեստական լուսանկաչություն բաժնի ուսանողների և շրջանավարտների 50 աշխատանք։
Բացմանը ներկա էին Օպերատորության, գեղարվեստական լուսանկարչության ամբիոնի ղեկավար կազմը, դասախոսներ, ուսանողներ, լուսանկարչական արվեստի սիրահարներ։
Օպերատորության, գեղարվեստական լուսանկարչության ամբիոնի վարիչ Ռուբեն Երզինկյանը ողջունեց ցուցահանդեսում նաև նախկին շրջանավարտների մասնակցությունը և կարևորեց ցուցահանդեսների դերն ուսանողների գեղագիտական ճաշակի ձևավորման գործում:
Ցուցահանդեսի կազմակերպիչ, ամբիոնի ասիստենտ Արմեն Խաչատրյանն էլ իր խոսքում կարևորեց լուսանկարչության դերը մեր օրերում և երիտասարդների շրջանակում։
Նա ուսանողներին հորդորեց աշխատել համարձակ և նոր լուսանկարչական արտահայտչամիջոցներ կիրառել, իսկ հետաքրքիր լուսանկարներ նկարահանող երիտասարդներին հորդորեց առավել ակտիվ մասնակցություն ունենալ նման ցուցահանդեսներին։
«Այս գունավոր աշխարհը սև-սպիտակ լուսանկարներով» խորագրով լուսանկարչական ցուցահանդեսը կշարունակվի մինչև մայիսի 17-ը։
