ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Բելառուսյան տպավորություններ՝ Մանկավարժականի ուսանողներից
11.07.2017
Բելառուսյան տպավորություններ՝ Մանկավարժականի ուսանողներից

Մանկավարժական համալսարանի 12 ուսանող «Ամառային դպրոց 2017» միջազգային ծրագրի շրջանակներում Բելառուսի Մաքսիմ Տանկի անվան պետական մանկավարժական համալսարանում էին:

Աբովյանականներին դիմավորեցին և իրենց համալսարանին ու կրթական գործընթացներին ծանոթացրին բելառուս ուսանողներն ու բուհի աշխատակիցները:

Մինսկ կատարած այցի ընթացքում Մանկավարժականի ուսանողները ծանոթացան մայրաքաղաքի տեսարժան վայրերին, եղան Հայրենական Մեծ պատերազմի, Գեղարվեստի թանգարաններում, «Ռատուշա« և «Կուռգան սլավ» համալիրներում, «Խատին» և «Օզեռցո» գյուղակ-թանգարաններում, Միռսկի և Նեսվիժ դղյակներում, Բելառուսի ազգային գրադարանում:

Խաղեր, ինտելեկտուալ և պարային մրցույթներ, հաղթանակներ, որ ձեռք բերեցին ուսանողները՝ մեկ օր անցկացնելով Բելառուսի պետական մանկավարժական համալսարանի Օդապարիկ ճամբարում:

10-օրյա հագեցած ծրագրի ընթացքում ուսանողները մասնակցեցին նաև Բելառուսի Հանրապետության անկախության տոնակատարություններին, հանդիպեցին «Ամառային դպրոց» միջազգային ծրագրի նախորդ տարիների բելառուս մասնակիցներին:

Բելառուսից վերադարձած ուսանողները միակարծիք են՝ ծրագիրը հնարավորություն է ընձեռում ձեռք բերել նոր ընկերներ, ծանոթանալ այլ երկրի մշակույթին ու պատմությանը, ընդլայնել կրթական կապերը: