- Հայ
- Рус
- Eng
Մանկավարժական համալսարանում դասախոսությամբ հանդես եկավ նարատիվային մասնագետ Նատալյա Սավելևան։
Չեխիայից ժամանած բանախոսը հոգեթերապևտիկ աշխատանքի նորարարական ուղղություններից մեկի՝ «նարատիվային» մեթոդի առաջատար մասնագետներից է։ Մեթոդը վերջին երկու տասնամյակում ամբողջ աշխարհում լայնորեն կիրառվում է հետտրավմատիկ սթրես, դեպրեսիա, տագնապ, վիշտ ունեցող մարդկանց հետ աշխատանքում:
Նա ապագա հոգեբաններին և սոցիալական աշխատողներին ներկայացրեց «Նարատիվային (պատմողական) թերապիայի հիմունքները» թեմայով դասախոսությունը և իր աշխատանքային պրակտիկայի օրինակներով պատմեց տարբեր խնդիրներ ունեցող անձանց հետ տարվող աշխատանքի մանրամասներն ու արդյունքները։
Բանախոսը հույս հայտնեց, որ ներկայացված տեղեկատվությունը հնարավորություն կտա երիտասարդ մասնագետներին առավել խորն ուսումնասիրել ներկայացված նյութը և կիրառել մասնագիտական և հոգեբանական աջակցության աշխատանքներում։
