ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Դասախոսություն ուկրաինացի դոկտոր Եվգենի Լոդատկոյից
19.10.2017
Դասախոսություն ուկրաինացի դոկտոր Եվգենի Լոդատկոյից

«Մաթեմատիկական կրթություն» միջազգային գիտաժողովի շրջանակներում Մաթեմատիկայի և նրա դասավանդման մեթոդիկայի ամբիոնը հյուրընկալել էր գիտաժողովի կազմկոմիտեի անդամ, Չերկասի Բոգդան Խմելնիցկու անվան ազգային համալսարանի (Ուկրաինա) պրոֆեսոր, մանկավարժական գիտությունների դոկտոր, Եվգենի Լոդատկոյին:

Սեմինար-դասախոսությանը ներկա էին ամբիոնի պրոֆեսորադասախոսական կազմը, Մաթեմատիկայի և տարրական ուսուցման մեթոդիկայի ամբիոնի դասախոսներ, ուսանողներ և մագիստրոսներ:

Պրոֆեսոր Լոդատկոն ներկայացրեց Ուկրաինայում կրթության արդիականացման առանձնահատկությունները, զուգահեռներ անցկացվեցին Հայաստանի և Ուկրաինայի կրթական ծրագրերի, ուսուցման հեռանկարների և կրթության նկատմամբ պետական մոտեցումների միջև:

Հանդիպման ընթացքում համատեղ որոշում կայացվեց առավել սերտ համագործակցել մաթեմատիկական ծրագրեր մշակելու, գիտամեթոդական գործունեությունը զարգացնելու և այլ ուղղություններով:

Սեմինարի մասնակիցների կարծիքով՝ հանդիպումը կարևոր էր ուկրաինական կրթական համակարգին, մասնավորապես՝ մաթեմատիկական կրթության դասավանդման մեթոդիկային ծանոթանալու և փորձի փոխանակման տեսանկյունից:

Ավարտին համաձայնություն ձեռք բերվեց, որ հաջորդ տարի Չերկասում երկու համալսարանների ամբիոնների կողմից կկազմակերպվի մաթեմատիկական կրթությանը նվիրված համատեղ գիտաժողով: