ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Ապրիլի 22-26-ը Աթենքի Կապոդիստրիանի անվան ազգային համալսարանում էին ՀՊՄՀ Պատմության ֆակուլտետի դեկան,  դոցենտ Էդգար Հովհաննիսյանն ու Համաշխարհային պատմության և նրա դասավանդման մեթոդիկայի ամբիոնի վարիչ,  պրոֆեսոր Խաչատուր Ստեփանյանը։

Այցի շրջանակներում Մանկավարժականի դասախոսները Թուրքագիտության ֆակուլտետում հանդես են եկել դասախոսություններով։

Էդգար Հովհաննիսյանն անդրադարձել է  Հայկական սփյուռքին, հայրենիք-սփյուռք հարաբերություններին և սփյուռքագիտությանը, իսկ  Խաչատուր Ստեփանյանի դասախոսությունները 1918-1920 թթ․ հայ-թուրքական հարաբերությունների, Հարավային Կովկասում Թուրքիայի  վարած քաղաքականության, Հայաստանի Հանրապետության արտաքին հարաբերությունների մասին էին։

Դասախոսական կազմն ու  հույն ուսանողները մեծ հետաքրքրություն են ցուցաբերել ներկայացվող նյութերին․ ծավալվել է շահագրգիռ քննարկում։

Այցի ընթացքում պայմանավորվածություն է ձեռք բերվել ընդլայել և ամրապնդել Մանկավարժական  և Աթենքի Կապոդիստրիանի անվան ազգային համալսարանների միջև գիտակրթական համագործակցությունը, որը փատացի նոր է սկսվում։