- Հայ
- Рус
- Eng
Այսօր հանդիսավորությամբ դիպլոմներ հանձնվեցին Սկզբնական կրթության ֆակուլտետի հեռակա ուսուցման համակարգի 49 մագիստրոսի։ Դիպլոմներ ստացան կրթական 2՝ «Տարրական մանկավարժություն և մեթոդիկա» և «Նախադպրոցական մանկավարժություն և մեթոդիկա» ծրագրերն ավարտած ուսանողները։ Վերջիններս այդ կրթական ծրագրով առաջին շրջանավարտներն էին։
Նրանց շնորհավորեցին Սկզբնական կրթության ֆակուլտետի դեկան Հեղինե Խաչատրյանը, փոխդեկան Արմինե Միքայելյանը, Նախադպրոցական մանկավարժության և մեթոդիկաների ամբիոնի պաշտոնակատար Արմենուհի Մանուկյանը, Աշոտ Տեր-Գրիգորյանի անվան մայրենիի և նրա դասավանդման մեթոդիկայի ամբիոնի վարիչ Ջուլիետա Գյուլամիրյանը։
Նրանք մագիստրոսներին մաղթեցին հաջողությամբ կրթել և դաստիարակել հաջորդ սերունդներին․ դա նրանց ամենակարևոր առաքելությունն է։
Դեկան Հեղինե Խաչատրյան էլ հորդորեց իրականություն դարձնել այն ցանկություններն ու նպատակները, որ ունեն այս պահին և գրանցեն հետագա մասնագիտական լուրջ զարգացումներ։
Շրջնավարտները շնորհակալություն հայտնեցին և ընդգծեցին՝ մագիստրատուրայում կրթությունն արդյունավետ էր․ շատ բան սովորեցին և ստացած գիտելիքներն անպայման կկիրառեն աշխատանքի ընթացքում։
