- Հայ
- Рус
- Eng
Մոսկվայի պետական մանկավարժական համալսարանի պրոֆեսոր Սերգեյ Աթանասյաը դասախոսություն ունեցավ Մաթեմատիկայի, ֆիզիկայի և ինֆորմատիկայի ֆակուլտետում։
Միջազգային համագործակցության շրջանակներում՝ Մաթեմատիկայի և նրա դասավանդման մեթոդիկայի ամբիոնի նախաձեռնությամբ անցկացված գիտամեթոդական սեմինարի ընթացքում պրոֆեսորը Աթանասյանը ներկայացրեց «Էվկլիդեսի հինգերորդ պոստուլատը» թեմայով զեկույցը, ապա ցուցադրվեց «Հինգերորդ պոստուլատի առեղծվածները» վավերագրական ֆիլմը։
Ծավալվեց շահագրգիռ քննարկում, որին հաջորդեց թեմայի վերաբերյալ հարց ու պատասխան. թեմայի վերաբերյալ իրենց տեսակետները ներկայացրին նաև Մաթեմատիկայի և նրա դասավանդման ամբիոնի դասախոսները։
Բացի Մաթեմատիկայի, ֆիզիկայի և ինֆորմատիկայի ֆակուլտետի դասախոսական կազմից, գիտամեթոդական սեմինարին մասնակցում էին տարբեր կուրսերի ուսանողներ։
Հանդիպման ընթացքում քննարկվեցին ՀՊՄՀ-ի Մաթեմատիկայի և նրա դասավանդման մեթոդիկայի և ՄՊՄՀ-ի Երկրաչափության ամբիոնների համագործակցությանն ու համատեղ անելիքների մասին հարցեր։
Կողմերը վստահեցրին՝ դասախոսությունների շարքն ու փորձի փոխանակումը կլինի շարունակական։
