- Հայ
- Рус
- Eng
Օրերս ՀՊՄՀ Վաչե Պարտիզունու անվան հայ նոր և նորագույն գրականության և նրա դասավանդման մեթոդիկայի ամբիոնի նախաձեռնությամբ անցկացվեց ուսանողական գիտաժողով։
Հովհաննես Թումանյանի մահվան 100-րդ տարելիցին նվիրված գիտական ձեռնարկին մասնակցում էին Բանասիրական ֆակուլտետի ուսանողերը։
Ամբիոնի վարիչի պաշտոնակատար, պրոֆեսոր Սուրեն Դանիելյանի, դոցենտներ Քնարիկ Աբրահամյանի, Լուսինե Գալստյանի, Նաիրա Խաչատրյանի, Արմենուհի Մուրադյանի, Նաիրա Տողանյանի և դասախոս Աննա Սարգսյանի ղեկավարությամբ՝ ուսանողներն անդրադարձան Թումանյանին՝ որպես հայ պոեմի առաջնորդ, Շանթ-Թումանյան առնչություններին, Օշականի գնահատությանը գրողին, Թումանյան թարգմանչին, բանաստեղծի ժողովածուներին։
Հիմնական հարցադրումները վերաբերում էին Ամենայն հայոց բանաստեղծի գեղարվեստական ժառանգությանը, կյանքի ու հասարակական գործունեության ինչ-ինչ շերտերին, Թումանյանին տրված գնահատություններին,արձակին, մանկագրությանը և այլն։
Պրոֆեսոր Սուրեն Դանիելյանն ու պրոֆեսորադասախոսական կազմն իրենց ելույթներում անդրադարձան Թումանյանին շարունակաբար բացահայտելու և յուրացնելու անհրաժեշտությանը, ուսանողության համար գիտական խոսք կառուցելու ճանապարհին նման գիտաժողովների կարևորությանը։
