ՀՊՄՀ-ն «Մանկավարժահոգեբանական ու ուսումնամեթոդական հմտություններ ապահովող մոդուլներով իրականացվող 30 կրեդիտի միջոցով մանկավարժի հավաստագրման» վճարովի հիմունքներով կրթական ծրագրի շրջանակներում կազմակերպում է դասընթացներ։
Դասընթացները նախատեսված են ՀՀ պետական և ըստ մասնագիտությունների հավատարմագրված/ինստիտուցիոնալ հավատարմագրում անցած ոչ պետական բարձրագույն ուսումնական հաստատությունների տվյալ առարկայի մասնագիտական ոլորտում բակալավրի, մագիստրոսի կամ դիպլոմավորված մասնագետի (ոչ մանկավարժի) որակավորում ունեցող շրջանավարտների համար:
Դասընթացին մասնակցելու համար դիմորդը մարտի 13-20-ը՝ մինչև ժամը 17։00-ն, բուհի Կրթական գործընթացների կառավարման և բարեփոխումների վարչությունում (217 սենյակ) պետք է լրացնի դիմում-հայտ։
Դիմում-հայտին կից փաստաթղթերի փաթեթը ներառում է՝
- ավարտական փաստաթղթի` դիպլոմի և դրա ներդիրի բնօրինակը և պատճենը (դիմորդի կողմից ներկայացված դիպլոմի իսկությունը պարզելու նպատակով հանձնաժողովն իրավասու է, ըստ անհրաժեշտության, դիմորդից պահանջել դիպլոմի իսկության մասին տեղեկանք՝ «Ակադեմիական փոխճանաչման և շարժունության ազգային տեղեկատվական կենտրոնից»: Փաստաթղթերի բնօրինակների և պատճենների համապատասխանությունը պարզելուց հետո՝ բնօրինակները վերադարձվում են դիմորդին)
- երկու լուսանկար (3x4 չափսի)
- անձը հաստատող փաստաթղթի բնօրինակը և պատճենը (անձնագիր կամ նույնականացման քարտ)
Դասընթացները կազմակերպվում են հիբրիդային ձևաչափով՝ (առցանց և առերես)։
Հավելյալ տեղեկատվության համար զանգահարել՝ (010) 597017
