ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Հուլիսի 8-22-ը Բորիս Ելցինի անվան Ուրալի դաշնային համալսարանում կանցկացվի «Ամառային համալսարան 2024» միջազգային ծրագիրը։

Այն մեծամասշտաբ է․ մասնակցում են Հայաստանի, Բելառուսի, Ղազախստանի, Ղրղզըստանի, Մոլդովայի, Տաջիկստանի, Հարավային Օսեթիայի գործընկեր համալսարանների 3-4-րդ կուրսերի ուսանողներ։

«Ամառային համալսարան-2024»-ին մասնակցում  է  նաև Մանկավարժականի  համալսարանի 7 ուսանող, իսկ այցը համակարգում է Արտասահմանյան գրականության ամբիոնի մասնագետ Սառա Սերգեևան։ Մասնակիցներին ընտրել  է Ուրալի դաշնային համալսարանի ներկայացուցչությունը։

Միջազգային ծրագիրը բացառիկ  է․ ավելի քան 15 գործընկեր, 50 նախագիծ, 10 մշակութային և սպորտային միջոցառումներ։ Այն հնարավորություն կտա ծանոթանալ Ռուսաստանի առաջատար բուհերից մեկին, տեխնոլոգիաներին, ձեռնարկություններին, ներգրավվել ուսանողական ակտիվ կյանքին, ստանալ  նոր գիտելիքներ՝ լավագույն  մասնագետներից, ոլորտի փորձագետներից։

Բացի այդ, միջազգային ծրագրի շրջանակներում սպասվում են հետաքրքիր դասախոսություններ, նախագծերի մշակում թիմում և հարուստ փորձ: Մասնակիցներին կտրվեն հավաստագրեր։

Ի դեպ, Ուրալի դաշնային համալսարանի 6 ուսանող փոխադարձ այցով կլինի Հայաստանում, կմասնակցի ՀՊՄՀ-ի «Ամառային դպրոց» միջազգային ծրագրին։