Մանկավարժական համալսարանի Կուլտուրայի ֆակուլտետի և ԵՊՀ մշակույթի կենտրոնի միջև կնքվեց համագործակցության հուշագիր: Այն նախատեսում է երկու բուհերի ուսանողների մասնակցությամբ համատեղ մշակութային և տարաբնույթ միջոցառումների կազմակերպում:
Հուշագրի ստորագրումը նշանավորվեց «Քանոն և պոեզիա» համերգային ծրագրով, որը նվիրված էր ԵՊՀ հիմնադրման 102-ամյակին: Համատեղ կատարումներով հանդես եկան ՀՊՄՀ քանոնահարների «Զվարթնոց» համույթն ու ԵՊՀ մշակույթի կենտրոնի «Համալսարանական» թատրոն-ստուդիայի սաները:
ՀՊՄՀ պրոֆեսոր Հասմիկ Լեյլոյանը կարևորեց ԵՊՀ մշակույթի կենտրոնի հետ համագործակցությունը և հավելեց, որ այն լավ հնարավորություն է ապագա սերունդներին ազգային գործիքներին, մշակույթին ծանոթացելու համար:
Մշակույթի կենտրոնի տնօրեն Կարինե Դավթյանն էլ հավելեց, որ Մայր բուհի 102-ամյակը նշանավորվեց ևս մեկ նոր համագործակցությամբ, ինչը հիմք կհանդիսանա տարաբնույթ միջոցառումների կազմակերպման համար:
ԵՊՀ միջազգային համագործակցության և հասարակայնության հետ կապերի գծով պրոռեկտոր Արթուր Իսրայելյանը շնորհավորեց գործընկերներին և մաղթեց արդյունավետ աշխատանք: