ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Կլոր սեղան՝ Գեղարվեստական կրթության ֆակուլտետում
11.05.2017
Կլոր սեղան՝ Գեղարվեստական կրթության ֆակուլտետում

Օրերս «Միջմշակութային երկխոսություն» թեմայով կլոր սեղանի շրջանակներում Խաչատուր Աբովյանի անվան հայկական պետական մանկավարժական համալսարանի Գեղարվեստական կրթության ֆակուլտետի հյուրերն էին Ռուսաստանի Դաշնության «Մանկավարժ-նկարիչների միություն» միջազգային, ստեղծագործական, հասարակական կազմակերպության մի շարք անդամներ:

Գեղարվեստական կրթության ֆակուլտետի դեկանի տեղակալ, պրոֆեսոր Արտաշես Քեշիշյանը հյուրերին ներկյացրեց ֆակուլտետի այն գործառույթները, որոնց առկայությունն ու կիրառումն ուղղված են ամրագրելու գիտակրթական ասպարեզում կարևոր ձեռքբերումներն ու հաջողությունները:

Ռուսաստանի տարբեր բուհերում դասավանդող մանկավարժ-նկարիչների հետ զեկուցումներ ունեցան Երևանի գեղարվեստի պետական ակադեմիայի Գյումրիի մասնաճյուղից և Շիրակի պետական համալսարանից ներկայացուցիչներ:

Զեկուցումներով հանդես եկան նաև մեր համալսարանի դասախոսները՝ Արվեստի պատմության, տեսության և մշակութաբանության ամբիոնի վարիչ, արվեստագիտության թեկնածու, դոցենտ Սաթենիկ Մելիքյանը, միջոցառման կազմակերպիչ, մանկավարժական գիտությունների թեկնածու, դոցենտ Սևադա Սարգսյանը:

Միջոցառման ընթացքում տեղի ունեցան մշակութաբանությանը և կրթությանը վերաբերող հարցադրումներ, քննարկումներ, երկխոսություն, դրանց արդի նպատակների, խնդիրների հաղթահարմանն ուղղված միջոցների առաջադրմամբ:

Գեղարվեստական կրթության ֆակուլտետի դեկան, արվեստագիտության թեկնածու, դոցենտ Արա Հակոբյանը «Միջմշակութային երկխոսություն» թեմայով կլոր սեղանի ավարտին շնորհակալություն հայտնեց բոլոր մասնակիցներին, ցանկանալով, որ նման միջոցառումները լինեն շարունակական և արդյունավետ: