ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Կյանքից հեռացել է պրոֆեսոր Գարուշ Պետրոսյանը
05.11.2020
Կյանքից հեռացել է պրոֆեսոր Գարուշ Պետրոսյանը

Կյանքից հեռացել է Մանկավարժական համալսարանի Ֆիզիկայի դասավանդման մեթոդիկայի ամբիոնի երկարամյա վարիչ, մանկավարժական գիտությունների դոկտոր, պրոֆեսոր Գարուշ Պետրոսյանը:

Գարուշ Պետրոսյանը 1963 թվականին ավարտել է Մանկավարժական համալսարանի Ֆիզմաթ ֆակուլտետը: 1969-ից աշխատել մայր բուհում` սկզբում լաբորանտ,  ապա դասախոս, ասիտենտ ու դոցնետ: 1993-ից` շուրջ 15 տարի դոկտոր, պրոֆեսոր Գարուշ Պետրոսյանը ղեկավարել է Ֆիզիկայի դասավանդման մեթոդիկայի ամբիոնը: 

Նրա գիտական հետաքրքրությունների առանցքում մանկավարժական բուհում և միջնակարգ դպրոցում Ֆիզիկայի և բնագիտության արդյունավետ ուսուցումն էր: 

Գարուշ Պետրոսյանը Մանկավարժական կրթության միջազգային ԳԱ անդամ էր, 150 գիտամեթոդական հոդվածի և 10 գրքի հեղինակ: 

Գարուշ Պետրոսյանի՝ վաստակաշատ մանկավարժի, անվանի գիտնականի հիշատակը վառ կմնա իր գործընկերների և ուսանողների սրտերում: 

Նշենք, որ Գարուշ Պետրոսյանի հոգեհանգիստը տեղի կունենա նոյեմբերի 6-ին` ժամը 17:00-ին Պակո սգո սրահում (հասցե` Զովունի, Եղվարդի խճ. 1), հուղարկավորությունը նոյեմբերի 7-ին` նույն վայրից: