ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Ավարտվեց «Միջմշակութային հաղորդակցությունը օտար լեզուների ուսուցման միջոցով» միջազգային գիտաժողովը
03.04.2012

Ֆրանկոֆոնիայի օրերի շրջանակում անցկացվող «Միջմշակութային հաղորդակցությունը օտար լեզուների ուսուցման միջոցով» միջազգային գիտաժողովի երկրորդ օրը մանկավարժականում շարունակվեց երկու սեկցիաների զուգահեռ աշխատանքներով:

Գիտաժողովի մասնակիցները ներկայացրին «Բազմալեզու դասավանդողների պատրաստում.խնդիրներ և հեռանկարներ» և «Թարգմանաբանական խնդիրներ.մշակութային-քաղաքակրթական հայեցակարգ» թեմաներով զեկուցումները:

Առաջին սեկցիայի նախագահն էր ՌԴ սոցիալական կրթության ակադեմիայի անդամ, Մոսկվայի «Եվրադպրոց» գիտահետազոտական կենտրոնի գլխավոր տնօրեն բանասիրական գիտությունների դոկտոր, պրոֆեսոր Վիկտորյա Սաֆոնովան, իսկ երկրորդ սեկցիայինը` Խաչատուր Աբովյանի անվան հայկական պետական մանկավարժական համալսարանի օտար լեզուների մասնագիտական ուսուցման ամբիոնի դասախոս, բանասիրական գիտությունների թեկնածու, դոցենտ Նաիրա Մանուկյանը:

Զեկուցումների ավարտից հետո տեղի ունեցավ գիտաժողովի հանդիսավոր փակումը, որի ընթացքում զեկույցներով հանդես եկանՖրանսիայիԷքս-Մարսել համալսարանի դոցենտ Ֆատի Շնան-Դավին,Մոսկվայի «Եվրադպրոց» գիտահետազոտական կենտրոնի գլխավոր տնօրեն բանասիրական գիտությունների դոկտոր, պրոֆեսոր Վիկտորյա Սաֆոնովան և այլք:

Հրավիրված հյուրերն ու ներկաները հնարավորություն ունեցան ունկնդրել նաև Մանկավարժական համալսարանի Գարի Քյոսայանի ջազ քառյակի կատարումները:

Միջոցառումից հետո գիտաժողովի մասնակիցներն այցելեցին Երևանի կոնյակի գործարան:Նրանք ծանոթացան Հայաստանի կոնյակագործության պատմությանը, գաղտնիքներին և համտեսեցին աշխարհում մեծ ճանաչում վայելող հայկական կոնյակ: