ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

«Պատանի թանգարանագետ» խմբակն ամփոփեց արդյունքները
19.05.2017
«Պատանի թանգարանագետ» խմբակն ամփոփեց արդյունքները

Մանկավարժական համալսարանի Թանգարանը Պատմամշակութային արգելոց-թանգարանների և պատմական միջավայրի պահպանության ծառայության հետ համատեղ ընթացիկ տարում կազմակերպել էր «Պատանի թանգարանագետ» խմբակի դասընթացը:

Այն նախատեսված էր Էջմիածին և Արմավիր քաղաքների 7-9-րդ դասարանցիների համար, որի նպատակն էր մեծացնել թանգարանների, մշակույթի և արվեստի հանդեպ պատանիների հետաքրքրությունը, ծանոթացնել նրանց ոլորտի գործունեությանը, ուղղորդել ապագա մասնագիտության ընտրության հարցում:

Դասընթացը վարում էին Կուլտուրայի ֆակուլտետի Թանգարանագիտության բաժնի, ՀՊՄՀ-ի Թանգարանի աշխատակիցներն ու մանկավարժական պրակտիկայի շրջանակներում մագիստրատուրայի 1-ին կուրսի ուսանողները:

Օրերս ամփոփվեցին դասընթացի արդյուքնները.ամենապարտաճանաչ մասնակիցների համար կազմակերպվեց էքսկուրսիա ՀՊՄՀ-ի թանգարան և Գառնու տաճար:

Թանգարան կատարած այցելությունը նշանավորվեց նաև դասընթացը կազմակերպած երկու կառույցների կողմից «Պատանի թանգարանագետ» խմբակի մասնակիցներին պատվոգրերի հանձնմամբ:

Աշակերտների մասնագիտական կողմնորոշման նպատակով թանգարանի նախաձեռնությամբ բուհում կազմակերպվեց նաև հանդիպում տարբեր ֆակուլտետների դեկանների ու դասախոսների հետ.վերջիններս ներկայացրին իրենց կառույցնների գործունեությունն ու մասնագիտական առանձնահատկությունները:

Մասնակիցները մեծ ոգևորությամբ և տպավորված հեռացան բուհից:

«Պատանի թանգարագետ» խմբակը տալիս է իր առաջին պտուղները. աշակերտներից շատերն արդեն Մանկավարժականի ուսանող դառնալու որոշում են կայացրել, իսկ նրանցից մեկը բուհի դիմորդ է: