ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Ծանոթացան Classroom հարթակի կիրառման ձևերին
13.09.2016
Ծանոթացան Classroom հարթակի կիրառման ձևերին

Կուլտուրայի ֆակուլտետի Ուսանողական խորհրդի նախաձեռնությամբ ֆակուլտետի բոլոր բաժինների առաջին կուրսերում տեղեկատվական տեխնոլոգիաների հանձնախումբը կազմակերպել էր ճանաչողական դասընթաց:

Ամբիոնների մասնագետների հետ համատեղ կազմակերպված ձեռնարկի նպատակն էր 1-ին կուրսերի ուսանողներին ծանոթացնել բուհում ներդրված առցանց ուսուցմանը՝ Classroom հարթակին:

Կազմակերպիչների խոսքով՝ դասընթացը կարևոր է, քանի որ Classroom-ի միջոցով ուսանողները ծանոթանում են իրենց ուսումնական ծրագրերին, տեղեկանում հանձնարարություններին՝ ամրապնդելով դասախոս-ուսանող հարաբերությունները:

Կուլտուրայի ֆակուլտետի Ուսանողական խորհրդի լրատվության հանձնաժողովի պատասխանատու Սոնա Խաչատրյանի կարծիքով՝ տեղեկատվական տեխնոլոգիաների աննախադեպ զարգացման ժամանակներում ծրագրի կիրառումը կրկնակի հեշտացնում է հատկապես ուսանողների աշխատանքը:

Ի դեպ, ֆակուլտետում այսօրինակ դասեր անցկացվել են նաեւ 4-րդ կուրսերում: