ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Ամբիոնը հիմնադրվել է 1957 թվականին (նախկինում՝ տարրական մաթեմատիկայի և նրա դասավանդման մեթոդիկայի ամբիոն): Ամբիոնում աշխատում է գիտությունների 1 դոկտոր, 2 պրոֆեսոր, 5 թեկնածու, 3 դոցենտ:

Ամբիոնի աշխատակիցների կողմից հրատարակվել են հանրակրթական տարրական դպրոցի մաթեմատիկայի, միջին դպրոցի հանրահաշվի, ավագ դպրոցի երկրաչափության և բուհական մի շարք դասագրքեր, մենագրություններ, մեթոդական բազմաթիվ ձեռնարկներ, գիտամեթոդական ժողովածուներ:

Ներկայիս ամբիոնի աշխատակիցների կողմից հրատարակվել է շուրջ 500 գիտամեթոդական աշխատանք:

Վերջին 10 տարիների ընթացքում ամբիոնում պաշտպանել են 10 ատենախոսություններ: Ներկայումս ամբիոնն ունի 2 հայցորդ և 2 ասպիրանտ:

Ամբիոնում գործում է «Մաթեմատիկական կրթություն» գիտամեթոդական սեմինարը: Ամբիոնը 2013, 2014, 2015 թթ. կազմակերպել է «Մաթեմատիկական կրթություն» հանրապետական կոնֆերանս, որին մասնակցել են ինչպես մեր հանրապետության, այնպես էլ ՌԴ, Բելառուսի, Ղազախստանի, Սլովենիայի մասնագետները: Ամբիոնի աշխատակիցները մասնակցել են ՌԴ-ում կազմակերպված կոնֆերանսների, հանդես եկել զեկուցումներով:

Ամբիոնի հիմնական գիտական ուղղություններն են`

• Արժեքները և նրանց ձևավորումը մաթեմատիկայի ուսուցման գործընթացում:
• Ավագ դպրոցում մաթեմատիկայի ուսուցման արդյունավետության բարձրացման հիմնահարցը:

Ամբիոնում բազային ֆինանսավորման հիմունքներով իրականացվում է «Մաթեմատիկայի դպրոցական դասընթացի գիտամանկավարժական և արժեբանական հիմունքները կրթական նոր հարացույցի պայմաններում» ծրագիրը, որը ղեկավարում է Համլետ Միքայելյանը:

Ամբիոնը (նախկինում` «Ընդհանուր տեխնիկական առարկաներ»,«Մեքենագիտության և նյութերի մշակման», «Մեքենագիտության, ընդհանուր տեխնիկական առարկաների և դրանց դասավանդման մեթոդիկայի» ամբիոնը ) կազմավորվել է 1959 թվականին: 1967 թվականին ամբիոնը լիկվիդացվել է, վերաբացվել է 1969-ին:

Ամբիոնին կից գործում են էլեկտրատեխնիկայի, հիդրավլիկայի և ջերմատեխնիկայի, մեքենագիտության և մեքենաշինության տեխնոլոգիայի, Ռոբոտատեխնիկայի և ավտոմատ նախագծման համակարգերի լաբորատորիաները:

Ամբիոնի առարկաների գծով բակալավրի և մագիստրատուրայի ուսանողներն անցնում են ուսումնական և արտադրական պրակտիկա «Ինտերստանոկ» ԳԱԲԲԸ և ՓԲԸ «Ռուսալ-Արմենալ» գործարաններում:

Ամբիոնը համագործակցում է ՀՊՃՀ-ի մետալուրգայի և նյութագիտության պրոբլեմային լաբորատորիայի հետ, ինչպես նաև ՀՀ ԳԱԱ Ֆիզիկայի Կիրառական Պրոբլեմների Ինստիտուտ ՊՈԱԿ-ի հետ:

Աշխատակիցները և ամբիոնի մագիստրոսները ակտիվ մասնակցություն են ունենում միջազգային, հանրապետական, ՀՊՄՀ-ի և ՀՊՃՀ-ի տարեկան գիտաժողովներում:

Ամբիոնում զարգացնում են հետևյալ հիմնական գիտական ուղղությունները`

• Ժամանակակից գործիքանյութեր,
• Մակերևույթային ամրացման ֆիզիկա և ճառագայթային նյութագիտության խնդիրներ,
• Քարամշակման ալմաստային գործիքների համար նոր կապակցանյութերի մշակում:

Ամբիոնը կազմավորվել է 2012 թվականի հունիսին:

Ամբիոնում զարգանում են հետևյալ հիմնական գիտական ուղղությունները`

• Կրթական համակարգի արդի բարեփոխումները և ֆիզիկայի ուսուցիչների մասնագիտական կոմպետենցիաների ձևավորման խնդիրը մանկավարժական բուհերում,
• Ֆիզիկայի և բնագիտության ուսուցման կատարելագործումը մանկավարժական բուհում և հանրակարթական դպրոցում,
• Կրթական համակարգի արդի բարեփոխումները և ֆիզիկայի ուսուցման մեթոդիկայի հիմնախնդիրները ավագ դպրոցում,
• Լազերային նյութերի մշակում և ֆիզիկական հատկությունների հետազոտում:

Ամբիոնը հիմնադրվել է 1987 թվականին` Ֆիզիկամաթեմատկական ֆակուլտետի կազմում:

Ամբիոնի հիմնադրման և կազմավորման գործում մեծ ավանդ ունի ներկայումս ամբիոնի պրոֆեսոր, մանկավարժական գիտությունների թեկնածու Մկրտիչ Սահրադյանը, ով 1987-2009 թվականներին եղել է ամբիոնի վարիչ:

2011թ. ամբիոնը վերանվավել է «Ինֆորմատիկայի և դրա դասավանդման մեթոդիկայի» և ընդգրկվել Մաթեմատիկայի, ֆիզիկայի և ինֆորմատիկայի ֆակուլտետի կազմում:

Ամբիոնը պատրաստում է «Ինֆորմատիկա» մասնագիտությամբ մանկավարժության բակալավր և մանկավարժության մագիստրոս որակավորմամբ մասնագետներ, որոնք կարող են աշխատել և դպրոցներում՝ որպես ինֆորմատիկայի ուսուցիչներ, և կազմակերպություններում, ընկերություններում՝ որպես ծրագրավորման, հաշվողական ցանցերի և ինֆորմացիոն տեխնոլոգիաների մասնագետներ:

Ամբիոնն ունի մանկավարժական գիտությունների թեկնածուի գիտական աստիճանի հայցման 2 հայցորդներ՝ ԺԳ.00.02 Դասավանդման և դաստիարակության մեթոդիկա (ինֆորմատիկա) մասնագիտությամբ:

Ամբիոնն ակտիվորեն մասնակցում է համալսարանի ինֆորմատիզացիայի, ուսումնական գործընթացի ավտոմատացման, այդ թվում՝ տարբեր մասնագիտությունների գծով էլեկտրոնային ուսումնական նյութերի, դասընթացների և հեռավար ուսուցման համար անհրաժեշտ մասնագիտական բազայի ստեղծմանը:

Ամբիոնում ներկայումս աշխատում են 2 պրոֆեսոր, 10 դոցենտ, 3 ասիստենտ, 3 դասախոս: Ամբիոնի դասախոսներն ակտիվորեն մասնակցում են ինչպես Հանրապետության, այնպես էլ այլ երկրներում կազմակերպվող սեմինարներին, գիտաժողովներին:

Ամբիոնի պրոֆեսորադասախոսական անձնակազմի կողմից հրապարակված են բազմաթիվ գիտական, ուսումնական և ուսումնամեթոդական աշխատանքներ (30 ուսումնական և ուսումնամեթոդական ձեռնարկներ, շուրջ 250 հոդվածներ):

Թեկնածուական թեզ են պաշտպանել 3 ասպիրանտ և 3 հայցորդ:

Ամբիոնն ունի 9 համակարգչային լսարան, որոնք հագեցած են ժամանակակից համակարգչային տեխնիկայով, էլեկտրոնային գրատախտակներով, լուսածրիչներով, տեղային և ինտերնետ ցանցով:

Ամբիոնի դասախոսները վարում են դասախոսություններ, կատարում լաբորատոր և գործնական աշխատանքներ՝ համալսարանի բոլոր ֆակուլտետների՝ բակալավրի, մագիստրատուրայի առկա և հեռակա ուսուցման համակարգի ուսանողների համար: