Միջազգային համագործակցության և ծրագրերի կառավարման կենտրոնը համակարգում և իրականացնում է համալսարանի միջազգային համագործակցությունը ՀՊՄՀ-ի միջազգայնացման ռազմավարությանը համապատասխան:
Կենտրոնը համակարգում է Համալսարանի ռազմավարական խնդիրների իրագործումը, նախաձեռնում համագործակցություններ օտարերկրյա բուհերի հետ, մշակում համագործակցային ծրագրեր համապատասխան կառուցվածքային ստորաբաժանումների հետ և հետևում դրանց իրականացմանը:
Կենտրոնն ապահովում է ՀՊՄՀ-ի անդամակցությունն ու համագործակցությունը բազմաթիվ ցանցերի եւ կազմակերպությունների, ինչպես նաև աշխարհի մի շարք բուհերի եւ գիտահետազոտական կենտրոնների հետ:
Կենտրոնը խթանում է համագործակցությունը տարբեր ուղղություններով՝ Էրազմուս+ KA1 և KA2, «Ամառային դպրոց» միջազգային ծրագիր, ՍՓՅՈՒՌՔ-ի և օտարերկրյա ուսանողների ընդունելություն, դասախոսություններ արտասահմանյան դասախոսների կողմից, վերապատրաստումներ, սեմինարներ, աշխատաժողովներ և կոնֆերանսներ, միջազգայնացված ակադեմիական ծրագրեր և այլն։
Միջազգային համագործակցության և ծրագրերի կառավարման կենտրոնի գործունեությանը կարող եք ծանոթանալ նաև հետևելով հղմանը՝ www.interdep.aspu.am
