Նախապատրաստական դասընթացների գործունեության հիմնական նպատակը ՀՀ հանրակրթական հաստատությունների (դպրոցներ, քոլեջներ, վարժարաններ, նախնական մասնագիտական հաստատություններ) ավարտական դասարանների աշակերտների և սովորողների` բուհ ընդունվելուն նախապատրաստելն է, ինչպես նաև ուսումը նույն բուհում շարունակելու համար ամուր հիմքերի ստեղծումը:
Խաչատուր Աբովյանի անվան հայկական պետական մանկավարժական համալսարանը 2023-2024 ուսումնական տարվա դիմորդների համար կազմակերպում է նախապատրաստական դասընթացներ՝
Երկարաժամկետ (ութամսյա) նախապատրաստական դասընթացները կազմակերպվում են ընթացիկ ուսումնական տարվա հոկտեմբեր-մայիս ամիսների ընթացքում: Դասընթացների ուսման վարձը 200. 000 դրամ է (պարարվեստը՝ 300․000 դրամ)։ Օտարերկրյա դիմորդների համար բոլոր մասնագիտությունների գծով ուսման վարձը 500․000 դրամ է։ Դասընթացներն անցկացվում են բուհի բոլոր մասնագիտությունների համար նախատեսված ընդունելության առարկայական ծրագրերով՝ առկա և հեռակա կրթական համակարգեր դիմողների համար:
Արագացված (եռամսյա) դասընթացներն անցկացվում են տվյալ ուսումնական տարվա ապրիլ-հունիս ամիսների ընթացքում՝ հետևյալ մասնագիտությունների գծով՝
- Ռեժիսուրա
- Պարարվեստ
- Կերպարվեստ
- Հագուստի մոդելավորում
- Դեկորատիվ կիրառական արվեստ
- Երաժշտական կրթություն
- Գործիքային կատարողականություն
- Օպերատորություն
- Գեղարվեստական լուսանկարչություն
- Արվեստի տեսություն, պատմություն և կառավարում
Արագացված (եռամսյա) դասընթացների ուսման վարձը 100. 000 դրամ է: Դասընթացներն անցկացնում են համալսարանի առաջատար և փորձառու դասախոսները:
2022-2023 ուստարվա ունկնդիրների գործերի ընդունումը շարունակվում է․ ժամը` 09.00-17.00-ը:
Դիմորդները ներկայացնում են՝
- տեղեկանք՝ ուսումնական հաստատությունից
- անձը հաստատող փաստաթուղթ,
- 2 լուսանկար՝ 3x4 չափի,
- ուսման սահմանված վարձի վճարման վերաբերյալ անդորրագիր
Նախապատրաստական դասընթացներին մասնակցելու համար դիմել՝ Խանջյան 5, 109 սենյակ (1-րդ հարկ):
Հեռախոս՝ 010 59-70-69:
Նախապատրաստական դասընթացներն ավարտած դիմորդները հեռակա ուսուցման համակարգ կարող են դիմել դասընթացի ավարտական քննությունների գնահատականներով՝ ըստ մասնագիտությունների՝ ՀՀ ԿԳՄՍ նախարարության կողմից հաստատված տեղերի մինչև 20 %-ի չափով:
