ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

Հայոց պատմության օլիմպիադայի թեստեր

11-րդ դասարան (1-ին տարբերակ),    11-րդ դասարան (2-րդ տարբերակ)

12-րդ դասարան (1-ին տարբերակ),    12-րդ դասարան (2-րդ տարբերակ) 

                                                 ՊԱՏԱՍԽԱՆՆԵՐ

Հայոց պատմության օլիմպիադայի հաղթողներ, գնահատականներ

Բուհի առաջատար ստորաբաժանումներից է, որը գործում է համալսարանի հիմնադրման օրվանից:  Տարբեր ժամանակներում կառուցվածքային փոփոխությունների հետևանքով ֆակուլտետը և նրա բաժինները կրել են տարբեր անվանումներ` Պատմության, Պատմագրական, Պատմալեզվագրական, Պատմաաշխարհագրական, Պատմության, Իրավագիության և աշխարհագրության, իսկ 2007 թվականից` Պատմության և իրավագիտության:

Ֆակուլտետի 4 ամբիոններում գիտամանկավարժական գործունեություն են իրականացնում 59 մասնագետներ, որոնցից 1-ը ՀՀ ԳԱԱ ակադեմիկոս և 1-ը թղթակից անդամ, 10-ը` գիտությունների դոկտոր, պրոֆեսոր, 45-ը` գիտությունների թեկնածու, դոցենտ, 2-ը` դասախոս, ասիստենտ: Ֆակուլտետի ուսումնաօժանդակ կազմում ընդգրկված է  6 աշխատակից:

Ֆակուլտետն իրականացնում է եռաստիճան կրթություն` առկա և հեռակա ուսուցմամբ: Բակալավրիատում գործում է երկու բաժին` «Պատմություն», «Իրավագիտություն (Մանկավարժություն)», ուր պատրաստվում են բակալավրի աստիճան ունեցող պատմաբան և իրավագետ մանկավարժներ: 2015-2016 ուս. տարում նախատեսվում է բացել նոր՝ «Հասարակագիտություն» բաժինը:

Առկա ուսուցմամբ մագիստրատուրան ունի հետևյալ մասնագիտացումները՝ «Հայոց պատմություն», «Համաշխարհային պատմություն», «Քաղաքացիական և իրավական կրթություն», «Իրավական դաստիարակությունը քրեակատարողական հիմնարկներում և հատուկ դպրոցներում»:

Ֆակուլտետում գործում է նաև «Իրավագիտություն/մանկավարժություն/ մասնագիտացմամբ հեռակա ուսուցման մագիստրատուրա»՝ երկուսուկես տարի տևողությամբ:

 Ասպիրանտական կրթությունն իրականացնում են համապատասխան մասնագիտական ամբիոնները:

Այժմ Ֆակուլտետում սովորում է 1031 ուսանող:

Միաժամանակ մասնագիտական ամբիոններում 3-րդ աստիճանի կրթություն է ստանում 8 ասպիրանտ և 1 հայցորդ: «Հայոց պատմություն» և «Համաշխարհային պատմություն և նրա դասավանդման մեթոդիկայի»  ամբիոնները ԲՈՀ-ի կողմից գիտական թեմաներ հաստատելու, որակավորման քննություներ ընդունելու, ատենախոսություններ քննարկելու և առաջատար կազմակերպություններ հանդես գալու իրավունք ունեն:

Ֆակուլտետը հրատարակում է «Պատմություն և հասարակագիտություն» տարեգիրքը, որտեղ գիտական հրապարակումներով հանդես են գալիս ինչպես ֆակուլտետի պրոֆեսորադասախոսական կազմի, այնպես էլ՝ հանրապետության և արտասահամանի գիտակրթական հաստատությունների ներկայացուցիչները:

Աշխատանքներ են տարվում միջազգային համագործակցության ընդլայնման ուղղությամբ, ֆակուլտետում դասախոսություններով հաճախ հանդես են գալիս արտասահմանյան ուսումնական և գիտական հաստատությունների ներկայացուցիչներ:

Ֆակուլտետում ակտիվ է նաև ուսանողական կյանքը. կազմակերպվում են բազմատեսակ արտալսարանային, ռազմահայրենասիրական միջոցառումներ: Ֆակուլտետում գործում է ուսանողական խորհուրդը, ուսանողական գիտական ընկերությունը, ինչպես նաև  «Հարյուր լեռնագագաթ» սիրողական լեռնագնացների ակումբը:

Ֆակուլտետը մրցունակ է. մեծ համարում ունի հանրապետության բուհերի և գիտահետազոտական ինստիտուտների շրջանում: Ֆակուլտետի առաջատար դասախոսներից շատերը հայաստանյան պատմաբանների մասնակցությամբ հիմնադրված «Հայաստանի պատմագետների միություն» հասարակական կազմակերպության անդամ են, որի գործունեության հիմնական նպատակը Հայաստանում և Սփյուռքում պատմագիտական կրթության, հետազոտությունների մակարդակի բարձրացումն է:

Շրջանավարտներն աշխատում են հանրապետության դպրոցներում, բուհերում, մշակութային, գիտահետազոտական հաստատություններում, իրավապահ, պետական կառավարման մարմիններում և այլուր: Նրանց շարքում կան պետական բարձր պաշտոններ զբաղեցրած և զբաղեցնող բազմաթիվ շրջանավարտներ:

Վերջին հրապարակումներ