ՀՊՄՀ Խաչատուր Աբովյանի անվան «Պուշկինի ինստիտուտ» ռուսաց լեզվի ուսուցման և թեստավորման կենտրոնը հիմնադրվել է 2017 թվականին։
Բացմանը ներկա էր նաև Ռուսաստանի Դաշնության Ա. Ս. Պուշկինի անվան ռուսաց լեզվի պետական ինստիտուտի պատվիրակությունը՝ ռեկտոր Մարգարիտա Ռուսեցկայայի գլխավորությամբ:
Կենտրոնը նախատեսված է երկկողմանի համագործակցության միջոցով բարելավել ռուսերենի դասավանդման որակը Հայաստանում, մասնավորապես` ՀՊՄՀ-ում: Այն նոր փուլ է մեր երկրում ռուսերենի դասավանդման զարգացման համար և միտված է դպրոցներում, բուհերում ռուսերենի ուսուցման վերանայմանը, ռուսաց լեզվի տիրապետման մակարդակի բարձրացմանը ուսանողների շրջանում, ինչպես նաև ժամանակակից մեթոդներով դասավանդմանն ու լեզվի զարգացման նոր հնարավորություններին։
«Պուշկինի ինստիտուտ» ռուսաց լեզվի ուսուցման և թեստավորման կենտրոն գործում է աշխարհի 30 երկրում։
Հիմնադրման օրից կազմակերպվել և իրականացվում են տարաբնույթ կրթական ծրագրեր, միջոցառումներ, դասախոսություններ, ռուսերենի մանկավարժների համար կլոր սեղաններ, գիտական և գիտամեթոդական սեմինարներ, որակավորման քննություններ, որակավորման բարձրացման դասընթացներ, վերապատրաստումներ, մշակութային ցերեկույթներ, ուսանողների համար օլիմպիադաներ, մրցույթներ,վեբինարներ և այլն։
Ռուսերենի ուսուցիչների և բուհի դասախոսների որակավորման բարձրացման դասընթացներում իրենց մասնակցությունն ունեն ինչպես ՀՊՄՀ ռուսագետները, այնպես էլ «Պուշկինի ինստիտուտ»-ի մասնագետները։
