ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀԱՅԿԱԿԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ՀԱՄԱԼՍԱՐԱՆ

ՀասցեՀՀ, 0010, Երևան, Տիգրան Մեծի պողոտա 17

Հեռ.՝ 59 70 45

էլ. փոստ՝ [email protected]

Վեբ կայք՝ www.museum.aspu.am

Աշխատանքային օրերը՝ երկուշաբթի-ուրբաթ՝ 10.00-16.30-ը

Խաչատուր Աբովյանի անվան հայկական պետական մանկավարժական համալսարանի թանգարանը հիմնադրվել է 2004 թվականի մայիսի 11-ին` որպես համալսարանի պատմության թանգարան: Բուհական թանգարանը ենթարկվում է համալսարանի խորհրդին` ռեկտորի նախագահությամբ: Գիտամեթոդական ղեկավարումն իրականացնում է Հայկական պետական մանկավարժական համալսարանի Կուլտուրայի ֆակուլտետի Թանգարանային գործ և հուշարձանների պահպանության ամբիոնը:

Մանկավարժական համալսարանի թանգարանի ներկայիս ցուցադրությունը բացվել է 2012 թվականի նոյեմբերի 19-ին` Համալսարանի 90-ամյակի տոնակատարությունների շրջանակում: Վիրտուալ տիրույթում աուդիո տարբերակով թանգարանի ցուցադրությունը հասանելի դարձնելու նպատակով Հայաստանում առաջին անգամ IZI travel միջազգային կազմակերպության աջակցությամբ թանգարանը ստեղծեց և գործարկեց աուդիոգիդ ծրագիրը: Այն այսօր հասանելի է 3 լեզուներով՝ հայերեն, անգլերեն և ռուսերեն:https://izi.travel/ru/0b76-kh-abovyani-anvan-hpmh-i-t-angaran/hy։

ՀՊՄՀ-ի թանգարանին կարող եք հետևել նաև վիրտուալ շրջագայության միջոցով:

Խ. Աբովյանի անվան Հայկական պետական մանկավարժական  համալսարանի  թանգարանն  իր  գործունեության  շրջանակներում  մեծ  տեղ  է  հատկացնում  հատուկ  կարիքներ  ունեցող  այցելուների  հետ  տարվող  աշխատանքներին:

Այդ  համատեքստում  թանգարանը   համագործակցում է Հատուկ  կրթության  ֆակուլտետի հետ, իսկ  2013թվականի  հոկտեմբերի  30-ից «Արի-Արի»  հիմնադրամի  հետ  կնքված  պայմանագրի  շրջանակներում՝  կույր  և  թույլ  տեսնող  անձանց  հիմնախնդիրներով  զբաղվող  լեհական  «Արի-Արի»  հիմնադրամի  հետ: Նպատակն է  այս  ոլորտում Լեհաստանում  ձևավորված   հարուստ  փորձը  փոխանցել  Հայաստանի,  Վրաստանի  և  Ադրբեջանի  համապատասխան  հիմնախնդիրներով  զբաղվող  կառույցների  մասնագետներին:

Մասնագետների խորհուրդով թանգարանը  համագործակցում  է նաև Երևանի  №  14  հատուկ  դպրոցի  հետ. դպրոցի մասնագետների աջակցությամբ թանգարանում  տեղադրվել  են  բրայլյան  տարբերակով  տպագրված  անոտացիոն  տեքստեր,  վահանակներ:

Տարբեր տարիքի և պատկերացումներով մարդիկ կարող են գտնել իրենց նախասիրություններին համապատասխան  հետաքրքրություններ, քանի որ համալսարանի թանգարանն  ակտիվ գործող կրթամշակութային կենտրոն է, որն իրականացնում է տարաբնույթ ծրագրեր ու միջոցառումներ տարբեր տարիքի լսարանների համար,  ակտիվորեն համագործակցում նման գործունեություն ծավալող մի շարք հաստատությունների հետ:

Կանոնադրություն

 

Նորություններ