ՀՊՄՀ-ի Ուսանողական գիտական ընկերությունը բուհի ուսանողներին, հետբուհական, շարունակական կրթություն ստացողներին և գիտահետազոտական աշխատանքներում ներգրավված երիտասարդներին միավորող համալսարանական ինքնակառավարվող հասարակական կառույց է: Սովորողների ստեղծագործական ներուժը բացահայտելու և զարգացնելու համար ՈւԳԸ-ն եռանդուն գործունեություն է ծավալում՝ միավորելով համալսարանի նորարար, նախաձեռնող ու պատասխանատու ուսանողներին։ ՈւԳԸ-ն իր գործունեությամբ նպաստում է նաև Հայաստանի Հանրապետությունում քաղաքացիական հասարակության ձևավորմանը և գիտության զարգացմանը։
Ուսանողական գիտական ընկերությունը հնարավորություն է տալիս՝
- դրսևորվել գիտական գործունեության մեջ, դառնալ լավագույնը մասնագիտական ոլորտում,
- հեռանկարային է՝ հաջող ուսումնառության և կարիերայի առաջխաղացման գործում
- միտված է ստեղծել դրական մթնոլորտ և փոխգործուն համակազմ
ՈւԳԸ-ն բաց է նրանց համար, որոնք
- ունեն բազմաբովանդակ նախագծերում նախաձեռնելու և իրագործելու համարձակ գաղափարներ,
- ուզում են ծանոթանալ մարդկանց հետ և կիսվել նորանոր գաղափարներով,
- ձգտում են դառնալ գիտական միջոցառումների, մրցույթների և կոնֆերանսների եռանդուն մասնակից և կազմակերպիչ
ՈՒԳԸ-ն հնարավորություն է ընձեռում ուսանողներին
- գրել գիտական հոդվածներ,
- հրապարակային զեկույցով ելույթ ունենալ գիտական կոնֆերանսում,
- ստեղծել սեփական նախագծեր,
- կազմակերպել և անցկացնել միջոցառումներ,
- կազմակերպել և իրականացնել սեմինարներ, վարպետության դասեր, կլոր սեղաններ և այլն
ՀՊՄՀ-ի ՈւԳԸ-ի նպատակը ուսանողների գիտական, հետազոտական-ստեղծագործական ներուժի բացահայտումն ու խթանումն է, գիտական-մանկավարժական գուրծունեության մշակույթի ձևավորումը։
ՀՊՄՀ-ի ՈւԳԸ-ի խնդիրներն են՝
- ձևավորել գիտական, հետազոտական գործունեությամբ հետաքրքրված ակտիվ, ուսանողական համայնք,
- ստեղծել համալսարանի ստորաբաժանումների և ուսանողների համար տեղեկատվական և հաղորդակցական հարթակ, ապահովել փոխգործակցություն,
- բարձրացնել գիտական գործունեության նկատմամբ հետաքրքրությունը,
- ուսանողներին ներգրավել համալսարանական նախագծերում և հետազոտական աշխատանքներում,
- նպաստել ուսանողների մտավոր, բարոյական և հոգևոր զարգացման պահանջմունքների բավարարմանը,
- ուսանողի բարոյական, ազգային և համամարդկային արժեքների ձևավորմանն ուղղված միջոցառումների կազմակերպում,
- խթանել ուսումնական գործընթացում հետազոտական ինքնուրույն աշխատանքի կազմակերպմանը,
- աջակցել երիտասարդական նախաձեռնությունների և նախագծերի իրականացման գործընթացին,
- նպաստել ուսանողների և հետբուհական-շարունակական կրթություն ստացողների գրահրատարակչության գործընթացին,
- նպաստել ՀՊՄՀ-ի ուսանողական համակազմին՝ միջազգային գիտակրթական գործընթացներին մասնակցելուն,
- նպաստել հայ մանկավարժական մտքի ուսումնասիրությանը, խթանել զարգացումն ու տարածումը,
- ձևավորել մանկավարժական մտածելակերպ
ՀՊՄՀ-ի ՈւԳԸ-ի գործառույթներն են՝
- գիտական ու կրթական ուղղվածություն ունեցող ուսանողական գիտաժողովների, կոնֆերանսների, սեմինարների, գիտահանրամատչելի դասախոսությունների և այլ միջոցառումներ կազմակերպում,
- պետական մարմիններում և բուհում ՀՊՄՀ-ի ՈւԳԸ-ի անդամների շահերի ներակայացում,
- աջակցել ուսանողներին անկախ գիտական հետազոտությունների և գիտական աշխատանքի իրականացման կազմակերպչական գործերում
- անցկացնել համալսարանական, հանրապետական և միջազգային գիտական միջոցառումներ,
- ապահովել ՀՊՄՀ-ի ՈւԳԸ-ի անդամների մտավոր սեփականության պաշտպանությունը և գիտական աշխատանքների հրատարակումը,
- խրախոսել և ներկայացնել ՀՊՄՀ-ի ՈւԳԸ-ի անդամների գիտական նվաճումները՝ հանրապետական և միջազգային մակարդակներում,
- աջակցել ՀՊՄՀ-ի Գիտահետազոտական կենտրոնի աշխատանքներին, մասնավորապես՝ ուսանողական համակազմին վերաբերող ծրագրերում և միջոցառումներում,
- ապահովել ՀՊՄՀ-ի ուսանողների ակտիվ մասնակցությունը ՀՀ կրթության, գիտության, մշակույթի և երիտասարդության ոլորտներում իրականացվող բարեփոխումների գործընթացներին,
- ՀՀ և արտասահմանյան ուսումնական հաստատությունների ուսանողական գիտական ընկերությունների և այլ կազմակերպությունների հետ համագործակցություն,
- իր իրավասությունների սահմաններում ՀՊՄՀ-ի ՈւԳԸ-ի Ընդհանուր Ժողովի որոշմամբ այլ գործառույթների իրականացում
Անդամակցություն ՈՒԳԸ-ին
ՀՊՄՀ-ի ՈւԳԸ-ի համակիր կարող է դառնալ ցանկացած ուսանող, իսկ անդամ՝ միայն այն ուսանողները և հետբուհական, շարունակական կրթություն ստացողները, որոնց ՄՈԳ-ը գերազանցում է 100 բալանոց համակարգում 70 միջին գնահատականը, ունի որևէ ամբիոնի երաշխավորություն և ընդունում են ՀՊՄՀ–ի ՈւԳԸ-ի կանոնադրությունը, իրենց գործունեությամբ նպաստում են ՈւԳԸ-ի նպատակների իրագործմանը։
- անդամակցությունը կամավոր է,
- անդամ կարող են լինել բուհի ուսանողները և հետբուհական, շարունակական կրթություն ստացողները,
- ՈՒԳԸ անդամ լինելու համար տարիքային սահմանափակում չկա,
- ՈՒԳԸ անդամ կարող են լինել առկա և հեռակա համակարգում սովորողները,
- անդամներն ունեն հավասար իրավունքներ,
- անդամագրումը տեղի է ունենում ՀՊՄՀ-ի ՈւԳԸ-ի նախագահին տվյալ անձի դիմումի համաձայն․ հաստատումից հետո, ՀՊՄՀ-ի և ՈւԳԸ-ի Ընդհանուր ժողովի որոշած ձևաչափով, դիմորդը ստանում է անդամության վկայական,
- ՀՊՄՀ –ի ՈւԳԸ-ի անդամությունից դուրս գալը կատարվում է տվյալ անդամի դիմումի կամ ՈւԳԸ-ի Խորհրդի՝ տվյալ անդամին ՈւԳԸ-ի անդամությունից հեռացնելու մասին որոշման հիման վրա. ըստ Ընդհանուր ժողովի որոշման անդամության կարգի, կամ ՀՊՄՀ –ի ՈւԳԸ-ի կանոնադրությամբ սահմանված պարտականությունների չկատարման կամ ոչ պատշաճ կատարման համար
ՀՊՄՀ-ի ՈւԳԸ-ի անդամն իրավունք ունի՝
- ընտրել, ընտրվել և նշանակվել ՈւԳԸ-ի ղեկավար մարմիններում,
- ՈւԳԸ-ի ղեկավար մարմինների քննարկմանը ներկայացնել ՈւԳԸ-ի գործունեության և ծրագրերի վերաբերյալ առաջարկություններ, դիտողություններ,
- ազատ արտահայտել սեփական տեսակետները,
- օգտվել ՈւԳԸ-ի իրավական, ֆինանսական, տեխնիկական, տեղեկատվական և այլ աջակցություններից,
- իրազեկ լինելու ՈւԳԸ-ի գործունեությանը,
- ներկա գտնվել ՈւԳԸ-ի միջոցառումներին,
- դիմել ՈւԳԸ-ի մարմինների աշխատանքների արձանագրման մասին քաղվածք ստանալու համար՝ հիմնավորման պարագայում։
- ՈւԳԸ այն անդամները, որոնք ունեն գերազանց առաջադիմություն և կատարում են գիտահետազոտական աշխատանք, ՈւԳԸ նախագահի երաշխավորմամբ և իրենց դիմումի համաձայն, կարող են դիմել ֆակուլտետի դեկանակտ, անհատական ուսումնական պլանով կրթությունը շարունակելու համար
ՀՊՄՀ-ի ՈւԳԸ-ի անդամը պարտավոր է՝
- ակտիվ զբաղվել գիտական, հետազոտական գործունեությամբ կամ ընդգրկված լինել այս կամ այն կրթական ծրագրերին,
- մասնակցել և աջակցել ՈւԳԸ-ի գործունեությանը,
- իր գործունեությամբ և վարքով բարձր պահել ՀՊՄՀ-ի ՈւԳԸ-ի հեղինակությունը․ հանդես չգալ՝ առանց կառույցի իրավասու մարմնի կողմից տրված լիազորագրի,
- գործել սույն կանոնադրությանը համապատասխան, կատարել ՈւԳԸ-ի կանոնադրական պահանջները և ղեկավար մարմինների որոշումները։
ՀՊՄՀ-ի ՈւԳԸ-ի նախագահի երաշխավորմամբ, ՈւԳԸ անդամները կխրախոսվեն տարբեր չափի դրամական պարգևատրումներով, պատվոգրերով, շնորհակալագրերով, «ՀՊՄՀ-ի ՈւԳԸ-ի Պատվավոր անդամ»-ի կրծքանշանով, սպորտային և մշակութային միջոցառումների տոմսերով, արտաքաղաքային և արտերկրային ուղեգրերով և այլ խրախոսական միջոցներով։
ՈւԳԸ-ի անդամներն ակտիվ մասնակիցներ և կազմակերպիչներ են ՀՊՄՀ-ում անցկացվող տարբնույթ գիտաժողովների: ՈՒԳԸ անդամ-ուսանողները մասնակցում են տարատեսակ մրցույթների, վարպետության դասերի, ֆորումների, կոնֆերանսների, ցուցահանդեսների, դրամաշնորհային մրցույթների, որոնք իրականացվում են ՀՀ ողջ տարածքում, ինչպես նաև արտասահմանում:
Տարբեր տարիներին ՀՊՄՀ-ի Ուսանողական գիտական ընկերության նախագահներ են եղել Հայկ Գրիգորյանը (2002-2006 թթ․), Գեորգի Գաբրիելյանը (2006-2013թթ.), Մարիամ Մելքումյանը (2013-2017թթ․)։
