Էրազմուս + ակադեմիական շարժունության ծրագրի շրջանակներում ՀՊՄՀ-ն հյուրընկալել էր Լեհաստանի Վրոցլավի համալսարանի պրոֆեսոր Մալգոժատա Միխալևսկա-Պավլակին:

Այցը նպատակը  երկու բուհերի միջև ակադեմիական կապերի ամրապնդումն ու փորձի փոխանակումն էր։

Միխալևսկա-Պավլակը ներկայացրեց «Եվրոպական կանաչ գործարքը և դրա կարևորությունը Եվրոպական միության զարգացման համար» խորագրով դասախոսությունը։

Բանախոսն անդրադարձավ համախմբման քաղաքականության էությանը, ֆինանսական մեխանիզմներին, ռազմավարական առաջնահերթություններին, Լեհաստանի հաջողված փորձին ԵՄ հիմնադրամների օգտագործման և ենթակառուցվածքների զարգացման հարցում:

Այցի շրջանակներում կայացան նաև աշխատանքային հանդիպումներ և քննարկումներ Միջազգային համագործակցության և ծրագրերի կառավարման կենտրոնի, ինչպես նաև Պատմության և հասարակագիտության  ֆակուլտետի աշխատակիցների հետ։