Հայաստանի պաշտպանության առաջին նախարար, ՀՀ վարչապետ Վազգեն Սարգսյանի ծննդյան 67-ամյակի առթիվ ՀՊՄՀ Ուսանողական խորհուրդն այցելեց Եռաբլուր զինվորական պանթեոն, որտեղ ապագա ուսուցիչները հարգանքի տուրք մատուցեցին ՀՀ ազգային հերոսի, պետական և ռազմական գործչի հիշատակին և ծաղիկներ խոնարհեցին շիրմին։

Օրը շարունակվեց Վազգեն Սարգսյանի տուն-թանգարան այցելությամբ։ Ուսանողները հնարավորություն ունեցան ծանոթանալու Սպարապետի կյանքին, անցած ուղուն, պետական և ռազմական գործունեությանը, ինչպես նաև այն կարևոր գաղափարներին, որոնք առաջնորդել են նրան հայրենիքի համար պայքարի և պետականության ամրապնդման գործում։

«Այս օրը ևս մեկ հնարավորություն էր արժևորելու մեծանուն պետական գործչի հիշատակն ու հիշեցնելու այն արժեքները, որոնց համար ապրել ու պայքարել է Սպարապետը»,-կարևորելով ձեռնարկը՝ նշեց Ուսանողական խորհրդի նախագահ Պարույր Գալստյանը։