Ավանդույթի համաձայն՝ այս տարի ևս Մանկավարժական համալսարանը միացավ Հայոց ցեղասպանության զոհերի հիշատակի ոգեկոչման երթին:

Բուհի պրոֆեսորադասախոսական կազմը, ուսանողները, ՀՊՄՀ Հենակետային (ավագ դպրոց) վարժարանի և 57 հիմնական դպրոցի ուսուցչական կազմն ու աշակերտները, ռեկտորի ժամակավոր պաշտոնակատար Լիլիթ Մկրտչյանի գլխավորությամբ, այցելեցին Ծիծեռնակաբերդ՝ Հայոց ցեղասպանության զոհերի հուշահամալիր:

Երթի մասնակիցները Ծիծեռնակաբերդի բարձունքում հարգանքի տուրք մատուցեցին՝ ծաղկեպսակ դրեցին, ծաղիկներ խոնարհեցին Հայոց Մեծ եղեռնի հուշարձանին և մեկ րոպե լռությամբ հարգեցին 1915-1923 թթ. Օսմանյան Թուրքիայում նահատակված 1.5 միլիոն զոհերի հիշատակը:

«Այսօրը հայ ժողովրդի համար խոնարհումի, հիշատակի, վերարժևորման, ապրելու և արարելու խորհուրդ ունի։ Մենք՝ մանկավարժներս, պետք է հետահայաց նայենք մեր պատմության ամենացավոտ էջին, ողբերգությանը, դաս քաղենք, հետևություն անենք և հաստատակամ ոտքի կանգնենք ու առաջ շարժվենք»,- aspu.am- ի հետ զրույցում նշեց ՀՊՄՀ ռեկտորի ժամանակավոր պաշտոնականտար, պատմական գիտությունների թեկնածու Լիլիթ Մկրտչյանը։