Ստորագրվեց համագործակցության հուշագիր
15.05.2026
Խ․ Աբովյանի անվան հայկական պետական մանկավարժական համալսարանի ռեկտորի ժամանակավոր պաշտոնակատար Լիլիթ Մկրտչյանը և ՀՀ ԿԳՄՍՆ «Օրգանական և դեղագործական քիմիայի գիտատեխնոլոգիական կենտրոն» -ի տնօրենի ժամանակավոր պաշտոնակատար, քիմիական գիտությունների դոկտոր Սահակ Գասպարյանn այսօր ստորագրեցին համագործակցության հուշագիր։
Հուշագրով նախատեսվում է անցկացնել մի շարք համատեղ ծրագրեր և միջոցառումներ՝ կողմերի հնարավորությունների, մասնագիտական փորձի և միջոցների կիրառմամբ։
Հանդիպման ընթացքում գործնական խոսակցություն ծավալվեց քիմիա և կենսաբանություն առարկաների նկատմամբ սովորողների մեջ հետաքրքրություն առաջացնելուն ուղղված ձեռնարկների, ՀՊՄՀ Կենսաբանության, քիմիայի և աշխարհագրության ֆակուլտետի քիմիայի բաժնի ուսանողների ուսումնական և հետազոտական լաբորատոր աշխատանքները Օրգանական և դեղագործական քիմիայի գիտատեխնոլոգիական կենտրոնում իրականացնելու հարցերի շուրջ։
Կենտրոնը պատրաստակամ է թույլատրել ուսանողներին ուսումնական նպատակներով և ավարտական աշխատանքներն իրականացնելիս օգտվել իրենց լաբորատորիաներից ու նրանցում առկա ժամանակակից սարքավորումներից։
Միաժամանակ հուշագրով նախատեսվում է անցկացնել համատեղ սեմինարներ, խորհրդատվություններ, քննարկումներ, փորձի, գիտական, մասնագիտական գրականություն փոխանակում։
Կողմերը վստահեցրին, որ համատեղ կյանքի կկոչեն՝ ուսումնական գործընթացին նպաստող գիտաուսումնական համագործակցության տարբեր ծրագրեր։
Վերջին հրապարակումներ
-
15.05.2026Ընտանիքը և հասարակությունը