• Դասախոսական կազմ՝ 62

• Ուսանողներ՝ 841

• Օտարերկրյա ուսանողներ՝ 10

Ֆակուլտետը հիմնադրվել է 1948-1949 ուստարում, իսկ 1956 թվականին վերակազմավորվել է՝ ներառելով դպրոցական և նախադպրոցական բաժինները։ 1957 թվականին հիմնադրված հոգեբանության լաբորատորիան ֆակուլտետի և մասնագիտական ամբիոնի հետ միասին եղել է հայ հոգեբանական մտքի զարգացման դարբնոց։

Հոգեբանական գիտությունների դոկտոր, պրեֆեսոր, ԽՍՀՄ ՄԳԱ իսկական անդամ, ՀԽՍՀ գիտությունների վաստակավոր գործիչ Մկրտիչ Մազմանյանի  գլխավորությամբ  լաբորատորիան հետազոտել և մշակել է աշխատանքային ու դպրոցական հոգեբանության հիմնախնդիրներ: Լաբորատորիայում բեղմնավոր գործունեությունն են ծավալել բազմաթիվ հոգեբան-գիտնականներ։

Հոգեբանական գիտությունների դոկտոր, պրոֆեսոր Սերգեյ Արզումանյանը մեծապես նպաստել է Հայաստանում իրավաբանական հոգեբանության, մանկան հոգեբանության և գիտական մտքի զարգացմանը։


Նրա և մեծանուն այլ հայ հոգեբանների ջանքերով հիմնված հոգեբանության և մանկավարժության ֆակուլտետը պատրաստել է հոգեբաններ հանրակրթական, միջին մասնագիտական հաստատությունների, պաշտպանության և արդարադատության նախարարությունների համակարգերի համար՝ հիմք դնելով հանրապետությունում նոր ուղղությունների զարգացման:

Տարիքային և մանկավարժական հոգեբանական մտքի զարգացման երախտավորներից են պրոֆեսորներ Վլադիմիր Կարապետյանը, Էմմա Ալեքսանդրյանը: Վերջինս Հայաստանում առաջին կին դոկտորն է, որ նախաձեռնել և հիմնել է մանկան հոգեբանության վերականգնողական առաջին կենտրոնը:

Ֆակուլտետի շրջանավարտները կարող են աշխատել հոգեբան, սոցիալական մանկավարժ, սոցիալական աշխատող, սոցիոլոգ՝ կրթական, առողջապահական, վերականգնողական, խնամք և պաշտպանություն իրականացնող  հաստատություններում, գիտահետազոտական ինստիտուտներում, զարգացման, մանկավարժահոգեբանական, ուսումնադաստիարակչական կենտրոններում, պրոբացիայի, տարբեր կառույցների սոցիալ-հոգեբանական, սոցիոլոգիական և մարքեթինգային հետազոտությունների, սոցիալական ծառայություններում, բժշկական, քրեակատարողական հիմնարկներում և այլ կազմակերպություններում։ 

Ֆակուլտետի առավելությունները

——————————————————————————————————————————————————————————————————————————————————————————————

✔ Միջազգային չափանիշներին համապատասխան մասնագիտական կրթական ծրագրեր  

✔ Բարձր որակավորմամբ ակադեմիական անձնակազմ

✔ Գործնական հմտությունների զարգացմանն ուղղված մանկավարժական և մասնագիտական պրակտիկաների կազմակերպման լայն բազա

✔ Միջազգային և հանրապետական գիտաժողովների, կլոր սեղանների, ակադեմիական մրցույթների, հետազոտական ​​սեմինարների կազմակերպում

✔ Տեխնիկապես հագեցած ուսումնական միջավայր

✔  Միջազգային համագործացության լայն շրջանակ 

Ամբիոններ

——————————————————————————————————————————————————————————————————————————————————————————————

✔ Զարգացման և կրթության հոգեբանության ամբիոն

✔ Սոցիոլոգիայի և սոցիալական աշխատանքի ամբիոն

✔ Ակադեմիկոս Մկրտիչ Մազմանյանի անվան հոգեբանության ամբիոն

✔ Կիրառական հոգեբանության ամբիոն