ՀՊՄՀ Աշխարհագրության և նրա դասավանդման մեթոդիկայի ամբիոնի պրոֆեսորադասախոսական կազմի համար անցկացվեց  դասընթաց․ թեման VAKE (Values and Knowledge Education - Արժեքների և գիտելիքի կրթություն) մեթոդաբանությունն էր:

Կենսաբանության, քիմիայի և աշխարհագրության ֆակուլտետի դեկանի՝ գիտության և միջազգային համագործակցության գծով տեղակալ, դոցենտ Մարինե Մաթոսյանը ներկայացրեց ժամանակակից կրթական միջավայրում մոդելի տեսական հիմքերն ու  գործնական կիրառության հնարավորությունները, անդրադարձավ մի քանի ռազմավարությունների և հնարների։

Բանախոսը, մասնավորապես, անդրադարձավ VAKE-ի փուլերին,  ներկայացրեց մեթոդի կիրառման քայլաշարը՝ «դիլեմայի պատմությունների» ներկայացումից մինչև տեղեկատվության հավաքագրում և վերջնական փաստարկում:

Հիմնական բաղադրիչների շրջանակում շեշտադրվեց քննադատական մտածողության զարգացումն ու բարոյական կողմնորոշման կարևորությունը գիտական փաստերի յուրացմանը զուգահեռ, ինչպես նաև   
ներկայացվեց աշխարհագրության ոլորտում կիրառությունը։

Քննարկվեցին օրինակներ, թե ինչպես կարելի է մեթոդը ծառայեցնել դասավանդման  գործընթացում։