Ուսանողների մասնագիտական պրակտիկան կազմակերպվում է ՀՊՄՀ-ի և կազմակերպությունների միջև կնքված պայմանագրերի հիման վրա: Պրակտիկան կազմակերպվում է 10 ֆակուլտետում՝ բոլոր մասնագիտական կրթական ծրագրերով: Ժամկետները հիմնականում նույնն են բոլոր ֆակուլտետներում:

————————————————————————————————————————————————————————————————————————————————————————————————

2013 թվականից Մանկավարժական համալսարանում ներդրվել է շարունակական մանկավարժական պրակտիկայի նոր մոդել և պրակտիկայի թղթապանակի կիրառման ընթացակարգ: Նշված նորարության շրջանակներում ուսանողները պրակտիկայի ընթացքում կիրառում են թղթապանակներ, որոնցում ամփոփում են նրանց անհատական և թիմային աշխատանքի, իրավիճակային վերլուծության և գործունեության իքնավերլուծության արդյունքները:

————————————————————————————————————————————————————————————————————————————————————————————————

ՀՊՄՀ-ում իրականացվում են պրակտիկայի հետևյալ տեսակները.

✔  Ուսումնական պրակտիկա

Միտված է զարգացնելու բակալավրի կրթական ծրագրով սովորող ուսանողների գիտելիներն ու կարողությունները իրենց մասնագիտական ոլորտներում:

✔  Մանկավարժական պրակտիկա

Միտված է զարգացնելու մանկավարժական գործունեությունը իրականացնելու կարողությունը:

✔  Մանկավարժահետազոտական պրակտիկա

Միտված է մագիստրոսական կրթական ծրագրով սովորողների մանկավարժական գործունեությունն իրականացնելու կարողությունների զարգացմանը: Կազմակերպվում է բարձրագույն ուսումնական հաստատություններում, հոգեբանական կենտրոններում:

✔ Հետազոտական պրակտիկա (ուսումնական պրակտիկայի տեսակ)

Կազմակերպվում է անհատական կարգով, բխում է ուսանողի մագիստրոսական թեզի պահանջներից և բովանդակությունից:

✔ Բակալավրի կրթական ծրագրում պրակտիկայի յուրաքանչյուր շրջափուլ ավարտվում է պրակտիկայի արդյունքների պաշտպանությամբ, որոնց արդյուքները ներգրավվում են ամփոփիչ ատեստավորման համակարգում:

Պրակտիկայի պաշտպանության արդյունքները գնահատվում են 100 միավորային համակարգով:

✔ Գնահատվում են 4 չափանիշներով և գնահատման բաղադրիչներով.

☑️ 25% Առաջին բաղադրիչ՝ մասնակցություն և ակտիվություն

☑️ 25% Երկրորդ բաղադրիչ՝ գործնական կարողություններ

☑️ 10% Երրորդ բաղադրիչ՝ համագործակցային կարողություն

☑️ 40% Չորրորդ բաղադրիչ՝ պրակտիկայի պաշտպանություն:

✔ Ֆակուլտետի կողմից բոլոր շրջափուլերի վաստակած միավորները հաշվարկվում են որպես միջին թվաբանական:

Բոլոր շրջափուլերից վաստակած արդյունքների միջին թվաբանականը ֆակուլտետի կողմից փոխանցվում է ակադեմիական տեղեկագիր: 20% մասնաբաժին (ամփոփիչ ատեստավորման անցկացման կարգ, կետ 25):