Ինչո՞ւ ընտրել մագիստրատուրան ՀՊՄՀ-ում

——————————————————————————————————————————————————————————————————————————————————

Այսօրվա աշխարհում մեծ պահանջարկ ունեն գիտելիքով զինված, հետազոտող, ստեղծագործող և համագործակցող մասնագետները։ Որակյալ մագիստրոսական կրթությունը ձեր ուղին է դեպի հաջող կարիերա և Հայաստանի զարգացման մեջ ներդրում:

ՀՊՄՀ-ն առաջարկում է ժամանակակից և մրցունակ կրթություն, որը համապատասխանում է եվրոպական չափանիշներին։ Մենք պատրաստում ենք առաջնորդների՝ կրթության, գիտության և հարակից ոլորտներում։

Ֆինանսական աջակցություն

——————————————————————————————————————————————————————————————————————————————————

Եթե սովորում եք առկա մագիստրատուրայում և աշխատում եք, ապա ձեր աշխատավարձից գանձվող եկամտային հարկը կարող է փոխհատուցել ուսման վարձը։ Սա իրական հնարավորություն է անվճար կրթություն ստանալու։ 
ՀՊՄՀ-ի մագիստրատուրայի առկա ուսուցմամբ ուսանողների համար սահմանված է 70-77․000 դրամ կրթաթոշակ հետևյալ մասնագիտությունների համար՝

✔ մաթեմատիկա

✔ ֆիզիկա

✔ ինֆորմատիկա

✔ տեխնոլոգիա և ձեռնարկչություն

✔ քիմիա

✔ աշխարհագրություն

✔ կենսաբանություն։

Գիտություն և հետազոտություն

——————————————————————————————————————————————————————————————————————————————————

ՀՊՄՀ-ն ստեղծում է բոլոր պայմանները գիտահետազոտական կարողունակությունների  աճի համար․
✔ Մագիստրոսական թեմաների շտեմարան՝ հեշտ է գտնել արդիական թեմա
✔ Գիտական աշխատանքի  կիսամյակային ստուգում
✔ Գիտական սեմինարներ և խորհրդատվություններ
✔ Համագործակցություն ՀՀ ԳԱԱ-ի և այլ գիտահետազոտական կենտրոնների հետ
✔ Բնագիտական ուղղություններով հնարավոր է թեզ գրել ՀՊՄՀ «Բնագիտություն, տեխնոլոգիա, ճարտարագիտություն և մաթեմատիկա» ոլորտի գերազանցության կենտրոնի լաբորատորիաներում

Թեզը՝ որպես հաջողության նախագիծ

——————————————————————————————————————————————————————————————————————————————————

Մենք մշակել ենք պարզ և արդար գնահատման համակարգ․

 ➜ Մագիստրոսական թեզի պահանջները համապատասխանեցվել են միջազգային չափանիշներին, շեշտադրվել է հետազոտական բաղադրիչը

Դարձիր ՀՊՄՀ-ի մեծ համայնքի անդամ

——————————————————————————————————————————————————————————————————————————————————

ՀՊՄՀ մագիստրատուրան միայն ուսման շարունակություն չէ. այն ձեր ինքնադրսևորման հարթակն է, եվրոպական որակի կրթություն ստանալու և կարիերայի զարգացման իրական հնարավորություն։

 Ընդունելության ընթացքը 

ՔԱՅԼ 1. Ծրագրի ընտրություն և ժամկետներ

——————————————————————————————————————————————————————————————————————————————————

➜ Ծրագրի ընտրություն. Դիմորդը պետք է ընտրի ՀՊՄՀ-ում առաջարկվող մագիստրոսական ծրագրերից մեկը: Համալսարանի 10 ֆակուլտետներում կազմակերպվում է 45 առկա և 10 հեռակա մագիստրոսական ծրագրեր:

Յուրաքանչյուր ծրագիր մշակված է՝ հաշվի առնելով Հայաստանի զարգացման առաջնահերթությունները և համապատասխանեցված է եվրոպական չափորոշիչներին՝ բովանդակային և կառուցվածքային առումով։

➜ Դիմում-հայտ. Դիմում-հայտում կարող է նշվել մագիստրոսական միայն մեկ կրթական ծրագիր:

➜ Ժամկետներ (2025-2026 ուսումնական տարվա համար).

✔ Առկա ուսուցում՝
▪ Առաջին փուլ՝ հունիսի 15-ից հուլիսի 2-ը:
▪ Երկրորդ փուլ՝ հուլիսի 2-ից օգոստոսի 22-ը:

✔  Հեռակա ուսուցում՝ հուլիսի 2-ից հոկտեմբերի 3-ը:

 

ՔԱՅԼ 2. Փաստաթղթերի հավաքագրում և ներկայացում

——————————————————————————————————————————————————————————————————————————————————

Դիմորդը ընդունելության համար ներկայացնում է հետևյալ փաստաթղթերը.

✔ Մագիստրատուրայի ընդունելության լրացված դիմում-հայտ։
✔ Բարձրագույն կրթության դիպլոմի և հավելվածի բնօրինակը և պատճենները։
◦ Հատուկ դեպք. Եթե ներկայացվում է արտասահմանյան բուհի դիպլոմ, անհրաժեշտ է ներկայացնել նաև «Ակադեմիական փոխճանաչման և շարժունության ազգային տեղեկատվական կենտրոնից» տեղեկանք՝ դիպլոմի համարժեքության մասին։
✔ Անձնագրի կամ նույնականացման քարտի բնօրինակը և պատճենը։
✔ Զինվորական գրքույկի բնօրինակը և պատճենը (արական սեռի դեպքում) (1-4-րդ և 18-19-րդ էջերը)։
✔ 2 լուսանկար (3x4 չափսի)։
✔ Վճարման անդորրագիրը՝ ընդունելության ծառայությունների համար։
✔ ՄՈԳ-ը հաստատող փաստաթուղթ՝ անվճար ուսուցման դեպքում։

ՔԱՅԼ 3. Վճարումների կատարում

——————————————————————————————————————————————————————————————————————————————————

ՔԱՅԼ 4. Ընդունելության քննությունների (հարցազրույցների) մասնակցություն

——————————————————————————————————————————————————————————————————————————————————

ՔԱՅԼ 5. Հետագա ընթացակարգեր

——————————————————————————————————————————————————————————————————————————————————