ՀՊՄՀ-ն հիմնադրվել է 1922 թվականին և ունի հարուստ պատմություն ու ավանդույթներ: Համալսարանը պատրաստում է բարձրակարգ մանկավարժներ՝ նպաստելով Հայաստանի կրթական համակարգի զարգացմանը:

ՀՊՄՀ-ն ընտրելու առավելությունները՝

————————————————————————————————————————————————————————————————————————————————————————————————————————————————

✔ Մասնագիտությունների բազմազանություն: Համալսարանը միակն է հանրապետությունում, որը պատրաստում է ուսուցիչներ հանրակրթական ծրագրով ուսուցանվող բոլոր առարկաների գծով՝ ներառյալ հատուկ մասնագետներ և շախմատի ուսուցիչներ:

✔ Կրթաթոշակ 70-77.000 ՀՀ դրամ բնագիտամաթեմատիկական ուղղվածության մասնագիտություններով սովորելու դեպքում։

✔ Հատուկ և ներառական կրթություն: ՀՊՄՀ-ն ունի Հատուկ և ներառական կրթության ֆակուլտետ, որը կրթում է ուսուցիչներ հատուկ կարիքներ ունեցող երեխաների համար։

✔ Շախմատի ուսուցում: Համալսարանը միակն է, որը պատրաստում է շախմատի ուսուցիչներ և իր կազմում ունի «Շախմատ» գիտահետազոտական ինստիտուտ, որն իր բնույթով ու առաքելությամբ բացառիկ է ոչ միայն տարածաշրջանում, այլև աշխարհում:

✔Գիտահետազոտական հնարավորություններ: ՀՊՄՀ-ն ունի աստղադիտակ և ֆիզիկայի լաբորատորիա՝ Ռոմանյան սպեկտրոսկոպով, որոնք օգտագործվում են ուսումնական և գիտահետազոտական նպատակներով:

✔ Մեդիա հարթակներ: Համալսարանն ունի սեփական ռադիոալիք, որի հաղորդումները պատրաստում են ուսանողները, իսկ հեռարձակվում է աշխարհի 160 երկրներում, և հեռուստաարտադրություն՝ հեռարձակող հանրային մուլտիպլեքսում ներառված հեռուստաընկերություններով:

✔ Փակ կրթական շղթա: Համալսարանն ունի հիմնական և ավագ դպրոցներ, ինչը հնարավորություն է տալիս մասնագիտական կրթական ծրագրերը ապրոբացիա անել իրական պայմաններում՝ ապահովելով կրթության շարունակականությունը:

✔ ՀՊՄՀ-ն ունի նաև հարուստ մշակութային կյանք, որտեղ ուսանողները կարող են զարգացնել իրենց ստեղծագործական կարողությունները:

ՀՊՄՀ-ն առաջարկում է ուսանողների համար փորձի փոխանակման լայն հնարավորություններ՝ համագործակցելով եվրոպական և այլ տարածաշրջանների առաջատար համալսարանների հետ:

Միջազգային համագործակցություն և փոխանակման ծրագրեր

————————————————————————————————————————————————————————————————————————————————————————————————————————————————

Համալսարանն ակտիվորեն մասնակցում է մի շարք միջազգային կրթական ծրագրերի, ինչպիսիք են՝

• Erasmus+ շարժունության ծրագրեր
• DAAD (Գերմանիայի ակադեմիական փոխանակման ծառայություն)
• Tempus
• Արևելյան գործընկերության ծրագրեր
• և այլն

Ուսանողները կարող են մեկ կիսամյակ կամ ամբողջ տարի ուսանել եվրոպական համալսարաններում՝ ձեռք բերելով նոր գիտելիքներ, մշակութային փորձ և բարելավելով մասնագիտական հմտությունները:

Ինչու՞ է դա կարևոր ուսանողների համար

————————————————————————————————————————————————————————————————————————————————————————————————————————————————

• Միջազգային դիպլոմի արժեք` ուսանողները ծանոթանում են միջազգային փորձին և ձեռք են բերում փորձառություն, ինչը բարձրացնում է նրանց մրցունակությունը աշխատաշուկայում:
• Լեզվական հմտությունների զարգացում ՝ փոխանակման ծրագրերը խթանում են օտար լեզուների իմացությունը:
• Միջմշակութային փորձառություն ՝ ուսանողները ծանոթանում են միջազգային փորձին և   ձեռք են բերում փորձառություն, ինչը բարձրացնում է նրանց մրցունակությունը աշխատաշուկայում:

Փոխանակման ծրագրերը հնարավորություն են տալիս

————————————————————————————————————————————————————————————————————————————————————————————————————————————————

• Ուսումնառություն իրականացնել Ֆինլանդիայում, Գերմանիայում, Ֆրանսիայում, Իսպանիայում, Իտալիայում, Լեհաստանում, և այլ երկրներում
• Մասնակցել համատեղ գիտահետազոտական նախագծերի
• Ձեռք բերել միջազգային կապեր և ստեղծել համագործակցության նոր հարթակներ
  

ՀՊՄՀ-ն ապահովում է ուսանողների մասնագիտական աճը ոչ միայն Հայաստանում, այլև դրա սահմաններից դուրս՝ նրանց առաջարկելով կրթության և ինքնազարգացման լայն հորիզոններ նաև արտերկրում: 

Ընտրելով ՀՊՄՀ-ն՝ դուք կստանաք որակյալ կրթություն, կզարգացնեք ձեր մասնագիտական հմտությունները Հայաստանում և արտերկրում և կնպաստեք Հայաստանի կրթական համակարգի զարգացմանը: