• Դասախոսական կազմ՝ 36

• Ուսանողներ՝ 340

• Օտարերկրյա ուսանողներ՝ 16

Ֆակուլտետը հիմնադրվել է 1965 թվականին։ Հիմնադրման օրից հանրապետության և սփյուռքի դպրոցների հայոց լեզվի և գրականության ուսուցիչների մեծ մասը բանասիրական ֆակուլտետի շրջանավարտներ են։

Ֆակուլտետը եղել և մնում է հայագիտական կարևորագույն կենտրոններից մեկը։ Տարբեր տարիներին ֆակուլտետում դասավանդել են հայտնի հայագետներ, դասախոսություններ են կարդացել սփյուռքահայ գործիչներ, հանդիպումներ են կազմակերպվել գրողների, գրականագետների հետ։

Ֆակուլտետում աշխատում են հանրակրթական դպրոցի և բուհական դասագրքերի, ուսումնական ձեռնարկների հեղինակներ: Դասախոսները մասնակցում են ուսուցիչների վերապատրաստման աշխատանքներին, ուսումնական նյութեր և գրականություն է տրամադրվում հանրակրթական դպրոցներին:

Ֆակուլտետի ուսանողները ներգրավված են Ուսանողական խորհրդի և Ուսանողական գիտական ընկերության աշխատանքներում, համատեղ կազմակերպում են ինտելեկտուալ խաղեր, բանավեճեր, բնապահպանական,  էկոլոգիական, գիտական, հանրամատչելի միջոցառումներ, ակտիվորեն մասնակցում են միջբուհական գիտական և ժամանցային ձեռնարկներին, այցելում ցուցահանդեսներ, թանգարաններ։

Ֆակուլտետը պատրաստում է հայոց լեզվի և գրականության ուսուցիչներ։ Շրջանավարտները կարող են աշխատանքի անցնել հանրակրթական հաստատություններում, դասապատրաստման, կրթական, լեզվի կենտրոններում, հրատարակչություններում, կրթության ոլորտի այլ կառույցներում։

Ֆակուլտետի առավելությունները

—————————————————————————————————————————————————————————————————————————————————————————————————————————————

✔ Լեզուների տարբեր ոճերի ուսումնասիրություն

✔ Մրցունակ մասնագետների պատրաստում 

✔ Ակադեմիական մրցույթների, գիտաժողովների և հետազոտական սեմինարների կազմակերպում 

✔ Սեմինարների կազմակերպում 

✔ Բարձր որակավորում ունեցող դասախոսական կազմ 

✔ Հարմարավետ ուսումնական միջավայր

Ամբիոններ

—————————————————————————————————————————————————————————————————————————————————————————————————————————————

✔ Վաչե Պարտիզունու անվան հայ նոր և նորագույն գրականության և նրա դասավանդման մեթոդիկայի ամբիոն

✔ Հայ հին և միջնադարյան գրականության և նրա դասավանդման մեթոդիկայի ամբիոն

✔ Արարատ Ղարիբյանի անվան հայոց լեզվի և նրա դասավանդման մեթոդիկայի ամբիոն