• Դասախոսական կազմ՝ 34

• Ուսանողներ՝ 250

• Օտարերկրյա ուսանողներ՝ 5

Ֆակուլտետը հիմնադրվել է 1930 թվականին։ Միջազգային ակտիվ համագործակցության շնորհիվ արտասահմանցի գործընկերները հաճախ են բուհում հանդես գալիս դասախոսություններով, իսկ ֆակուլտետի դասախոսները՝ արտասահմանյան բուհերում:

Ֆակուլտետը հաճախ է կազմակերպում միջազգային, հանրապետական և ուսանողական գիտաժողովներ՝ նվիրված պատմագիտական, մանկավարժական տարաբնույթ հարցերին։

Ֆակուլտետում գործում է «Հայաստանում և Սփյուռքում պատմության ուսուցման հիմնախնդիրների հետազոտության գիտական կենտրոն» լաբորատորիան, «Հարյուր լեռնագագաթ» սիրողական լեռնագնացների ակումբը։

Ակտիվ գործունեություն են իրականացնում Ուսանողական գիտական ընկերությունն ու Ուսանողական խորհուրդը, կազմակերպում են բազմատեսակ արտալսարանային, ռազմահայրենասիրական միջոցառումներ:


Ֆակուլտետը մրցունակ է. մեծ համարում ունի հանրապետության բուհերի և գիտահետազոտական ինստիտուտների շրջանում:

Ֆակուլտետի շրջանավարտները կարող են աշխատել պատմության և հասարակագիտության ուսուցիչներ հանրակրթական դպրոցներում և միջին մասնագիտական ուսումնական հաստատություններում, մասնագիտական աշխատանք իրականացնել թանգարաններում, արխիվներում, կրթության, իրավունքի ոլորտների պետական և հանրային այլ հաստատություններում։ 

Ֆակուլտետի առավելությունները

—————————————————————————————————————————————————————————————————————————————————————————————————————————————————

✔ Պրոֆեսորադասախոսական կազմի մեծ մասն անդամակցում է մասնագիտական մի շարք խորհուրդների

✔ Իրականացնում է հետբուհական կրթություն (ասպիրանտուրա)

✔ Ակտիվ ուսանողական կյանք

Ամբիոններ

—————————————————————————————————————————————————————————————————————————————————————————————————————————————————

✔ Հասարակագիտության ամբիոն

✔ Համաշխարհային պատմության և նրա դասավանդման մեթոդիկայի ամբիոն

✔ Հայոց պատմության ամբիոն