Նոյեմբերի 5-ին Մանկավարժական համալսարանում տեղի կունենա 2  բաց դասախոսություն՝ հրավիրյալ մասնագետների մասնակցությամբ։

Ժամը 11։00-ին դասախոսությամբ հանդես կգա Մոսկվայի Մ. Վ. Լոմոնոսովի անվան պետական համալսարանի քիմիական ֆակուլտետի քիմիական էնզիմոլոգիայի ամբիոնի դոցենտ Իրինա Միխայլովնա Լե-Դեյգենը։

Թեմա՝ «Կենսատեխնոլոգիայի բոլոր գույները․ բժշկությունից մինչև տիեզերքի յուրացում»։

Ժամը 12։15-ին դասախոսությամբ հանդես կգա Ա. Ս. Պուշկինի անվան Ռուսաց լեզվի պետական ինստիտուտի ճանաչողական և լեզվաբանական հետազոտությունների լաբորատորիայի գիտաշխատող, բանասիրական գիտությունների թեկնածու Տատյանա Սերգեևնա Վեսելովսկայան։ Թեմա՝ «Արհեստական բանականությունը՝ մշակութային շեշտադրմամբ․ ինչպես են մշակութային նախապաշարմունքները ներթափանցում կոդ»։

Բաց դասախոսություններին կարող են մասնակցել ՀՊՄՀ Կենսաբանության, քիմիայի և աշխարհագրության ֆակուլտետի ուսանողներն ու աշխատակիցները, ինչպես նաև բոլոր հետաքրքրված անձինք։

Աշխատանքային լեզու ռուսերենն է ։