ՀՊՄՀ Ակադեմիկոս Գ. Ա. Բրուտյանի անվան փիլիսոփայության և տրամաբանության ամբիոնի ասիստենտ,  մանկավարժական գիտությունների թեկնածու Աշոտ Մանուկյանը հանդես կգա «Փիլիսոփաները և երաժշտությունը» խորագրով բաց դասախոսությամբ։ Այն  նվիրված է  երաժշտության և փիլիսոփայական մտքի փոխհարաբերություններին՝ դասական և ազգային փիլիսոփայության համատեքստում։

Նախաձեռնության նպատակն է բացահայտել երաժշտության և փիլիսոփայական մտքի օրգանական փոխկապակցվածությունը՝ վերլուծելով երաժշտական մշակույթի  հոգեֆիզիոլոգիական ներգործությունը մարդու ներաշխարհի ու հասարակական կյանքի վրա։

Մարդաբանական փիլիսոփայության տեսանկյունից երաժշտությունը դիտարկվում է որպես մարդու ինքնակերտման և հոգևոր զարգացման կարևոր գործոն, որը նպաստում է նրա ներաշխարհի մշակութայնացմանը, արժեհամակարգի ձևավորմանը, կենսաբանական, բանական և հոգևոր չափումների ներդաշնակեցմանը։

Դասախոսության ընթացքում  անդրադարձ կլինի նաև երաժշտության մասին հին և նոր մտածողների գաղափարներին, հայկական երաժշտական-փիլիսոփայական ժառանգությանը, ինչպես նաև Կոմիտասի գիտական և ստեղծագործական ժառանգության մարդաբանական նշանակությանը։

Էլ. հասցե՝ philos-logic25@aspu.am

Հեռ․՝ +374 (10) 59-70-65։