Ընտանիքի միջազգային օրվա շրջանակներում Մանկավարժական համալսարանն ու «Լուսէ վերականգնողական կենտրոն» հիմնադրամը համատեղ կազմակերպում են համաժողով:

«Ընտանիք և հասարակություն․ ճանաչումից ընդունում» խորագրով համաժողովը միավորում է կրթության, առողջապահության, սոցիալական ոլորտների ներկայացուցիչներին։ Վերջիններս կքննարկեն ընտանիքի դերը, ներառական մոտեցումները և հատկապես կնոջ կարևոր դերն ընտանիքի կայունության ու զարգացման գործում։

Միջոցառումն իրականացվում է «Ներառական ապագա. մայրերի զորացում, համակարգերի բարելավում» ծրագրի շրջանակում՝ «Կանանց հզորացում հանուն բարեկեցության» (WoW) ծրագրի ներքո։ Այն ֆինանսավորվում է Գերմանիայի կառավարության կողմից և իրականացվում GIZ-ի միջոցով։