ՀՊՄՀ-ն սփյուռքահայ և օտարերկրյա դիմորդների համար կազմակերպում է ընդունելության գործընթացին նվիրված տեղեկատվական հանդիպում։

Հանդիպման ընթացքում կներկայացվեն ընդունելության բոլոր փուլերը՝ դիմումների ներկայացման կարգը, անհրաժեշտ փաստաթղթերի ցանկը, կարևոր ժամկետները, ինչպես նաև առցանց դիմումների հարթակի օգտագործման ընթացակարգը։ Այն առաջին կարևոր քայլն է ՀՊՄՀ ակադեմիական համայնքին միանալու ճանապարհին։

Համալսարանի ներկայացուցիչները կտրամադրեն խորհրդատվություն և կպատասխանեն մասնակիցներին հետաքրքրող հարցերին՝ նպաստելով դիմումների ճիշտ և անխոչընդոտ ներկայացմանը։

Մասնակիցներին կներկայացվեն նաև համալսարանի կրթական ծրագրերն ու մասնագիտությունները, ուսումնական հնարավորությունները, կրթական միջավայրը, ինչպես նաև շրջանավարտների մասնագիտական զարգացման և կարիերայի հեռանկարները։

Տեղեկատվական հանդիպումը սփյուռքահայ և օտարերկրյա դիմորդների համար հնարավորություն է առավել մոտիկից ծանոթանալու ՀՊՄՀ կրթական առաջարկներին և ստանալու ամբողջական տեղեկատվություն Հայաստանում բարձրագույն կրթություն ստանալու հնարավորությունների մասին։