Մանկավարժական համալսարանում կհյուրընկալվեն AIESEC-ի ներկայացուցիչները, որոնք հանդիպման ընթացքում կներկայացնեն հասանելի միջազգային հնարավորությունները՝ կամավորություն, պրակտիկա, փոխանակման ծրագրեր։

Հանդիպման ընթացքում կներկայացվեն՝

• միջազգային կամավորական ծրագրերը,
• արտերկրում մասնագիտական պրակտիկայի հնարավորությունները,
•  արտերկրում դասավանդելու ծրագրերը,
• մասնակցության պայմանները, ժամկետները, ծախսերը և դիմելու կարգը,
• ՀՊՄՀ գործընկեր համալսարաններում Էրազմուս+ փոխանակման ծրագրերի հնարավորությունները։

Մասնակիցները հնարավորություն կունենան իրենց հարցերն ուղղելու AIESEC-ի ներկայացուցիչներին, ինչպես նաև ՀՊՄՀ Միջազգային համագործակցության և ծրագրերի կառավարման կենտրոնի աշխատակիցներին։

Հանդիպման շրջանակում ՀՊՄՀ-ն և AIESEC-ը կստորագրեն փոխըմբռնման հուշագիր, որը պաշտոնապես կամրագրի կողմերի համագործակցությունը։

Մասնակցությունը բաց է։

Գրանցում՝  https://forms.gle/2mnYAfkUzH7YfjCT6։