Մանկավարժական ինստիտուտի ստեղծման օրից մինչև 1948 թվականը գործել էր կենսաբանական առարկաների միասնական ամբիոն, որը ղեկավարել է կ.գ.թ., դոցենտ Ռ.Բ. Գաբրիելյանը, ավելի ուշ դոցենտ` Ա.Հ. Չիլինգարյանը: Ապա առկա բազայի վրա կազմավորվել են ֆակուլտետի մի շարք առանձին ամբիոններ, այդ թվում նաև բուսաբանության, կենդանաբանության և կենսաբանության դասավանդման մեթոդիկայի, գյուղհիմունքների ամբիոնները։

————————————————————————————————————————————————————————————————————————————————————————————————

ՀՊՄՀ Կենսաբանության, քիմիայի և նրանց դասավանդման մեթոդիկայի ամբիոնը ձևավորվել է 2019 թվականին՝  Կենսաբանության և նրա դասավանդման մեթոդիկայի ու Քիմիայի և նրա դասավանդման մեթոդիկայի ամբիոնների վերամիավորման արդյուքնում:  Վերոնշյալ ամբիոններն անցել են երկար պատմական ուղի՝տարբեր տարիների կրելով տարբեր անվանումներ:

————————————————————————————————————————————————————————————————————————————————————————————————

Այդ ամբիոնները վերջին տասնամյակներին ղեկավարել են կենսաբանական գիտությունների դոկտոր, պրոֆեսորներ Լ. Վ. Հարությունյանը, Մ.Ե. Համբարյանը, Ա.Ն. Զիրոյանը, մանկավարժական գիտությունների դոկտոր, պրոֆեսոր Տ.Վ. Թանգամյանը, քիմիական գիտությունների դոկտոր, պրոֆեսոր Մ.Լ. Երիցյանը, քիմիական գիտությունների թեկնածու, պրոֆեսորի պաշտոնակատար Ա. Վ. Բաբախանյանը։

————————————————————————————————————————————————————————————————————————————————————————————————

Կենսաբանության, քիմիայի և նրանց դասավանդման մեթոդիկայի ամբիոնն այժմ ղեկավարում է կենսաբանական գիտությունների դոկտոր, պրոֆեսոր Ս.Խ. Պիպոյանը:
Ներկայումս ամբիոնում աշխատում  է  13 դասախոս, որից՝ 4 պրոֆեսոր, 1 պրոֆեսորի պաշտոնակատար, 6 դոցենտ, 2 դասախոս: Նրանք դասավանդում են 23 մասնագիտական առարկա «Կենսաբանություն» և «Կենսաբանություն-քիմիա» բակալավրիական մասնագիտությունների գծով, 20 մասնագիտական առարկա «Քիմիա» բակալավրիական մասնագիտության գծով,  34 մասնագիտական առարկա՝ «Կենսաբանություն»  և «Քիմիա» մագիստրոսական մասնագիտությունների գծով։

————————————————————————————————————————————————————————————————————————————————————————————————

Վերջին տասնամյակում ամբիոնում իրականացվել են մի շարք բարեփոխումներ և գործընթացներ, մասնավորապես՝ստեղծվել են «Կենսաբանության» և «Քիմիայի» լաբորատորիաներ (ԲՏՃՄգերազանցության կենտրոն), հետևողական աշխատանքներ են տարվում ամբիոնը երիտասարդ նոր կադրերով համալրելու ուղղությամբ, ամբիոնի դասախոսները հրատարակել են մի շարք բուհական ձեռնարկներ և հանրակրթական դասագրքեր, ամբիոնի աշխատակիցների մեծ մասը մասնակցում  է պետական և միջազգային դրամաշնորհներով ծրագրերի։ Ամբիոնն իր գիտամանկավարժական գործունեությամբ համագործակցում է հանրապետության մի շարք գիտահետազոտական ինստիտուտների, բուհերի հետ: