➜ 2011-2012 ուսումնական տարվանից բուհի Սպորտի ամբիոնում կազմակերպվեց շախմատ առարկայի ուսուցումը՝ Հայաստանի շախմատի ակադեմիայի հիմնադիր-նախագահ, միջազգային գրոսմայստեր Սմբատ Լպուտյանի ղեկավարությամբ։ 

➜ 2011թվականից «Շախմատը» ներառվեց ՀՀ հանրակրթական դպրոցների 2-4-րդ դասարանների ուսումնական ծրագրում՝ որպես պարտադիր առարկա։ Ուսուցման արդյունավետությունը բարձրացնելու նպատակով 2012-2013 ուստարվանից  «Շախմատ» սկսեցին դասավանդել Սկզբնական կրթության ֆակուլտետում՝ տարրական դասարանների դասվարներին շախմատային գիտելիքներով զինելու համար։


➜ Մանկավարժական համալսարանն ունեցավ ուսուցիչների առաջին սերունդը, որոնք հաջողությամբ սկսեցին դասավանդել «Շախմատ» առարկան Երևանի և ՀՀ մարզերի հանրակրթական դպրոցների 2-4-րդ դասարաններում:

➜ Ամբիոնին  կից  գործում  է  հրաձգարան,  որտեղ  անցկացվում են  առանձին ուսումնական ժամեր՝ ուսանողների շրջանում  ռազմական  հմտություններ ձևավորելու համար։