- Հայ
- Рус
- Eng
Օրերս ՀՊՄՀ Օպերատորության, գեղարվեստական լուսանկարչության և սոցիալ-մշակութային գործունեության ամբիոնի պրոֆեսորի պաշտոնակատար Սամվել Սևադան այցելել էր Երևանի պետական հումանիտար քոլեջ։
Դասախոսական կազմի և ուսանողների հետ հանդիպմանը Սամվել Սևադան ներկայացրեց գեղարվեստական լուսանկարչության պատմությունը, խոսեց արվեստի տարբեր ճյուղերի, Մանկավարժական համալսարանում բարձրագույն կրթություն ստանալու հնարավորությունների մասին։
Հանդիպման ընթացքում Օպերատորության, գեղարվեստական լուսանկարչության և սոցիալ-մշակութային գործունեության ամբիոնի և Երևանի պետական հումանիտար քոլեջի միջև կնքվեց համագործակցության հուշագիր։
Հուշագիրը միտված է աջակցելու քոլեջի ուսանողներին ձեռք բերել արդի գեղարվեստական լուսանկարչական և օպերատորական արվեստի վերաբերյալ գիտելիքներ։ Կկազմակերպվեն մասնագիտական հանդիպումներ, բաց դասեր, ցուցահանդեսներ՝ ներգրավելով երկու կառույցների ուսանողներին։
