Օրերս կազմակերպվել էր «Հանրակրթության ոլորտի կառավարման հիմնախնդիրները» թեմայով աշխատանքային կլոր–սեղան քննարկում, որին մասնակցում էին ՀՊՄՀ-ի համալսարան-գործատու համագործակցության կենտրոնի ղեկավար Ռիտա Գևորգյանը, Կրթության կառավարում կրթական ծրագրի մագիստրոսները, «Դպրոց-կենտրոնների միություն» իրավաբանական անձանց միության նախագահ Ռուզաննա Մուրադյանը, դպրոցների տնօրեններ, փորձագետներ:
Դպրոցների տնօրենները ներկյացարին կադրերի առաջմղման քաղաքականության լավագույն փորձը և ներկաներին հորդորեցին կարևորել մոտիվացիոն մեխանիզմների ներդրման անհրաժեշտությունը:
ՀՊՄՀ-ի համալսարան-գործատու համագործակցության կենտրոնի ղեկավար Ռիտա Գևորգյանն էլ ընդգծեց, որ հետազոտություն, վերլուծություն և պլանավորում համակարգային մոտեցումը կարևոր է դպրոցի զարգացման ծրագրի մշակման համար՝ որպես դպրոցի կառավարման արդյունավետության բարձրացման կարևորագույն փաստաթուղթ, և ներկայացրեց դպրոցի զարգացման ծրագրի ընհանրական սխեման:
«Դասավանդման նորարարական մեթոդները» թեմայի շրջանակում կազմակերպվեց ինտերակտիվ քննարկում, իսկ ուսանողները ներկայացրին իրենց նկատառումները դպրոցի կառավարման վերաբերյալ:
Աշխատանքային կլոր–սեղան քննարկման մասնակիցները միակարծիք են, որ նման միջոցառումները կնպաստեն բուհ-դպրոց արդյունավետ համագործակցությանը՝ կրթության ոլորտում կողմերի ձեռք բերված լավագույն փորձի փոխանակման համատեքստում: